Health Tips: आपल्या रोजच्या आहारात जवसाचा (Flax Seeds) समावेश करायलाच हवा. जवसामध्ये ओमेगा-३ फॅटी ॲसिड, म्हणजेच अल्फा-लिनोलेनिक ॲसिड भरपूर प्रमाणात असतं. याशिवाय ते वजन नियंत्रित करण्यासाठी देखील फायदेशीर ठरते.
आपल्या रोजच्या आहारात जवसाचा समावेश करणे आवश्यक आहे. यामध्ये ओमेगा-3 फॅटी ॲसिड (अल्फा-लिनोलेनिक ॲसिड), प्रोटीन, फायबर, आवश्यक खनिजे, जीवनसत्त्वे आणि लिग्नॅन्स हे पोषक घटक आढळतात.
27
जवस: कोलेस्ट्रॉल आणि रक्तदाबावर नियंत्रण
ओमेगा-३ फॅटी ॲसिड आणि फायबरने भरपूर असलेले जवस शरीरातील खराब कोलेस्ट्रॉल (LDL) कमी करते आणि रक्तदाब नियंत्रणात ठेवण्यास मदत करते. यातील डाएटरी फायबर पचनक्रिया सुधारते.
37
पचन सुधारते आणि रक्तातील साखर नियंत्रणात
जवस शरीरातील चांगल्या कोलेस्ट्रॉलची पातळी वाढवते आणि हार्मोन्स संतुलित ठेवण्यास मदत करते. यात विरघळणारे आणि न विरघळणारे फायबर असते. यामुळे पचनक्रिया सुधारते, बद्धकोष्ठतेचा त्रास टळतो आणि रक्तातील साखरेची पातळी स्थिर राहते.
जवस ओव्हुलेशन (अंडोत्सर्ग) प्रक्रिया सुधारते आणि PMS ची लक्षणे, जसे की स्तनांमध्ये वेदना आणि बद्धकोष्ठता, कमी करण्यास मदत करते. यातील प्रोटीन आणि फायबरमुळे पोट भरल्यासारखे वाटते, ज्यामुळे वजन नियंत्रणात ठेवणे सोपे होते.
57
त्वचा आणि केसांच्या आरोग्यासाठी उत्तम
जवसातील पोषक तत्वे आणि हेल्दी फॅट्स त्वचेतील ओलावा टिकवून ठेवतात, कोरडेपणा कमी करतात. यामुळे त्वचा आणि केसांचे आरोग्य सुधारण्यास मदत होते.
67
पोटावरची चरबी कमी करण्यासाठी खास उपाय
जवस पाण्यात भिजवून खाल्ल्यास पोटावरची चरबी कमी होण्यास मदत होते. तुम्ही जवसाची पावडर करून त्याचे पेयदेखील बनवू शकता. हे पेय प्यायल्याने जास्त वेळ भूक लागत नाही आणि पचनक्रिया सुधारते.
77
जवसाचे पाणी, सॅलड किंवा स्मूदी!
एक चमचा जवसाची पूड गरम पाण्यात मिसळून चांगले ढवळा. त्यात लिंबाचा रस पिळून तुम्ही पिऊ शकता. सॅलड किंवा स्मूदीमध्ये जवस घालून खाल्ल्यानेही वजन कमी होण्यास मदत होते.
