Health Tips: अनेकांना आदल्या दिवशी बनवलेली चिकन करी फ्रीजमध्ये ठेवून दुसऱ्या दिवशी गरम करून खायची सवय असते. पण तज्ज्ञांच्या मते, हे आरोग्यासाठी अजिबात चांगलं नाही. असं केल्यानं काय होतं, चला जाणून घेऊया.
वेळ वाचवण्यासाठी किंवा अन्न वाया जाऊ नये म्हणून अनेकजण शिळं चिकन गरम करून खातात. काहींना तर ते चवीला जास्त आवडतं. पण तज्ज्ञ सांगतात की, मांसाहारी पदार्थ असं खाणं धोकादायक ठरू शकतं. यामागचं कारण काय आहे, ते पुढे पाहूया.
26
बॅक्टेरिया वाढण्याचा धोका
चिकनमध्ये प्रोटीन भरपूर असल्यामुळे त्यात बॅक्टेरिया लवकर वाढतात. शिजवलेली चिकन करी रूम टेम्परेचरला जास्त वेळ ठेवल्यास साल्मोनेला (Salmonella) आणि स्टॅफिलोकोकस (Staphylococcus) सारखे धोकादायक बॅक्टेरिया वेगाने वाढतात. फ्रीजमध्ये नीट ठेवलं तरी, दुसऱ्या दिवशी नीट गरम न केल्यास हे बॅक्टेरिया पूर्णपणे मरत नाहीत आणि फूड पॉयझनिंगचा धोका वाढतो.
36
या समस्या येऊ शकतात
शिळं चिकन खाल्ल्यामुळे उलट्या, जुलाब, पोटदुखी आणि ताप येऊ शकतो. काही गंभीर प्रकरणांमध्ये डिहायड्रेशनचा (Dehydration) धोकाही असतो. विशेषतः लहान मुलं, वृद्ध आणि ज्यांची रोगप्रतिकारशक्ती कमी आहे, त्यांच्यावर याचा जास्त परिणाम होतो.
आरोग्य तज्ज्ञांच्या मते, शिजवलेलं चिकन रूम टेम्परेचरला दोन तासांपेक्षा जास्त ठेवू नये. ते लगेच फ्रीजमध्ये ठेवावं. फ्रीजमध्ये ठेवलेलं चिकन 24 तासांच्या आत खाणं चांगलं. पुन्हा गरम करताना, फक्त वरवर गरम न करता चिकनचे तुकडे आतपर्यंत पूर्ण गरम झाले पाहिजेत, याची खात्री करा.
56
पुन्हा पुन्हा गरम केल्यास...
शक्यतोवर चिकन पुन्हा-पुन्हा गरम करणं टाळा. प्रत्येक वेळी गरम केल्यावर त्यातील पोषक तत्वं कमी होतात. इतकंच नाही, तर त्याची चवही बदलते. त्यामुळे तज्ज्ञ सांगतात की, एकदा शिजवलेलं चिकन एकाच वेळी खाऊन संपवणं उत्तम.
66
हे खूप धोकादायक आहे
काही लोक चिकनमधून थोडा वास येऊ लागला किंवा चव बदलली तरी 'काही होत नाही' म्हणून खातात. पण हे खूप धोकादायक आहे. याचा अर्थ बॅक्टेरियाने ते अन्न आधीच खराब केलेलं आहे. असं अन्न खाल्ल्याने शरीरात टॉक्सिन्स (Toxins) जातात आणि आजारपण वाढतं.
