Mosquito Facts: अंधारातही डास आपल्याला कसे चावतात? हे आहे त्यामागचं विज्ञान!

Mosquito Facts: अगदी मिट्ट काळोखात आपल्याला काहीही दिसत नाही, पण डास मात्र आपल्याला बरोबर शोधून काढतात. अंधारातही डासांना आपण कसे दिसतो आणि ते आपल्याला अचूक कसे चावतात? यामागे एक मोठं विज्ञान आहे.

डास अंधारातही सहज कसे शोधतात?

आपण श्वासावाटे कार्बन डायऑक्साइड बाहेर टाकतो. डास हा वायू सहज ओळखतात आणि त्या दिशेने येतात. इतकंच नाही, तर त्यांच्या खास सेन्सर्समुळे ते आपल्या शरीरातील उष्णताही ओळखतात. यामुळेच अंधारातही ते आपल्याला सहज शोधू शकतात.

फक्त काहींनाच डास का चावतात?

प्रत्येकाच्या शरीराला एक विशिष्ट गंध असतो. घामातून येणारे लॅक्टिक ॲसिड आणि अमोनियासारखे घटक डासांना आकर्षित करतात. ज्यांच्या शरीराचा गंध डासांना जास्त आवडतो, त्यांना ते जास्त चावतात. डासांमुळे मलेरिया, डेंग्यूसारखे आजार पसरतात, त्यामुळे काळजी घेणे महत्त्वाचे आहे.