Garlic Health Benefits : आजीबाईचा बटवा! रोज सकाळी उपाशी पोटी लसूण खाण्याचे हे आहेत 8 फायदे!

Garlic Health Benefits लसणामध्ये असलेले संपूर्ण पोषक तत्व मिळवण्यासाठी ते कधी आणि कसे खावे याबद्दल या लेखात जाणून घेऊया. त्यामुळे तुमच्या अनेक शारीरिक व्याधी दूर होतील. हा आजीबाईच्या बटव्यातील उपाय आहे.

Garlic Health Benefits लसूण स्वयंपाकघरात वापरला जाणारा एक महत्त्वाचा पदार्थ आहे. पण तो केवळ स्वयंपाकासाठीच नाही तर शरीराच्या आरोग्यासाठीही खूप फायदेशीर आहे. लसणामध्ये बुरशीविरोधी, अ‍ॅलर्जीविरोधी गुणधर्म आहेत. कोलेस्ट्रॉल कमी करण्यासाठी लसूण खूप चांगला आहे. तज्ञांचे म्हणणे आहे की दिवसाची सुरुवात काही लसणाच्या पाकळ्यांसह करावी. त्यामुळे रोज सकाळी उपाशी पोटी २ पाकळ्या लसूण खाल्ल्याने तुमच्या संपूर्ण आरोग्यासाठी खूप फायदेशीर ठरेल. चला तर मग, या लेखात लसूण उपाशी पोटी खाल्ल्याने कोणते फायदे होतात ते जाणून घेऊया.

उपाशी पोटी लसूण खाण्याचे फायदे :

१. रक्तातील साखरेची पातळी नियंत्रित करते

लसूण शरीरातील रक्तातील ग्लुकोजची पातळी कमी करतो, रक्तातील साखरेची पातळी नियंत्रित ठेवतो आणि मधुमेहाचा धोकाही कमी करतो.

२. सर्दी, खोकल्यासाठी चांगले

सर्दी, खोकला, दमा यांसारख्या समस्यांसाठी लसूण खूप चांगला आहे. त्यामुळे रोज एक ग्लास पाण्यासोबत लसूण खावे. यामुळे या समस्यांचा धोका कमी होतो.

३. हृदयरोगाचा धोका कमी होतो

शरीरातील वाईट कोलेस्ट्रॉल कमी करून हृदयरोग होण्यापासून रोखण्यासाठी लसूण खूप मदत करतो. यामुळे हृदयविकाराचा झटका येण्यासारखे हृदयासंबंधित आजार होण्यापासून बचाव होतो.

४. डोळ्यांचे आरोग्य सुधारते

लसणामध्ये असलेले अँटी-बॅक्टेरियल आणि अ‍ॅलर्जीविरोधी गुणधर्म डोळ्यांचे आरोग्य सुधारण्यास मदत करतात.

५. मूत्रमार्गाचा संसर्ग होण्यापासून रोखते

मासिक पाळीच्या काळात महिलांना मूत्रमार्गाचा संसर्ग होऊ शकतो, त्यामुळे तो टाळण्यासाठी लसूण मदत करतो.

६. रोगप्रतिकारशक्ती वाढवते

लसणामध्ये असलेले गुणधर्म शरीराची रोगप्रतिकारशक्ती वाढवण्यास मदत करतात. त्यामुळे रोज लसूण खावे. यामुळे तुम्ही हंगामी आजारांपासून सुरक्षित राहाल.

७. कर्करोगापासून बचाव करते

लसणामध्ये असलेले अँटी-कार्सिनोजेनिक गुणधर्म मोठ्या आतड्याचा आणि पोटाचा कर्करोग होण्याचा धोका कमी करण्यास मदत करतात.

८. पचनासाठी चांगले

सकाळी उठल्यावर उपाशी पोटी लसूण खाल्ल्याने पचनास खूप मदत होते. लसूण पचनसंस्थेच्या समस्या दूर करतो. शरीरातील अनावश्यक कोलेस्ट्रॉल कमी करून वजन कमी करण्यास मदत करतो. त्यामुळे वजन कमी करण्याचा प्रयत्न करणाऱ्यांनी रोज उपाशी पोटी लसूण खावे. तसेच, लसूण शरीरातील विषारी पदार्थ बाहेर काढण्यास मदत करतो.

कसे खावे?

सकाळी उठल्यावर उपाशी पोटी २ पाकळ्या लसूण कच्चा खाव्यात आणि एक ग्लास पाणी प्यावे. यामुळे तुम्हाला वर सांगितलेले सर्व फायदे मिळतील. जर तुम्हाला अ‍ॅलर्जी किंवा पोटाच्या समस्या असतील तर डॉक्टरांचा सल्ला घेतल्यानंतरच लसूण खावे.