Flight Rules: विमानाने प्रवास करताय? नातेवाईक किंवा मित्रांसाठी काही खाद्यपदार्थ घेऊन जायचा विचार करताय? पण थांबा! तुमच्या बॅगेत काही विशिष्ट पदार्थ असतील तर तुम्हाला विमानात प्रवेश मिळणार नाही, हे तुम्हाला माहीत आहे का?
आजकाल विमान प्रवास खूप सामान्य झाला आहे. लोक आता छोट्या-छोट्या कामांसाठीही विमानाने प्रवास करतात. मुलं शिक्षण किंवा नोकरीसाठी परदेशात स्थायिक झाली की आई-वडीलही त्यांच्यासाठी आंतरराष्ट्रीय प्रवास करतात. पण दूर राहणाऱ्या मुलांसाठी अनेकजण घरचे पदार्थ खास पॅक करून घेऊन जातात. पण तुम्हाला माहित आहे का, तुमच्या बॅगेत काही पदार्थ असतील तर एअरलाईन कर्मचारी तुम्हाला विमानात चढू देणार नाहीत? चला जाणून घेऊया कोणत्या वस्तू विमानात नेण्यास मनाई आहे.
23
द्रव पदार्थ, तीव्र वासाचे पदार्थ
1. द्रव पदार्थ: विमानात प्रवास करताना तुमच्या कॅबिन बॅगेत 100 मिलीपेक्षा जास्त द्रव पदार्थ नसावेत. यामध्ये सूप, सरबत, जॅम, मध, चटण्या आणि ज्यूसच्या बाटल्यांचा समावेश आहे. फक्त लहान मुलांचे दूध आणि डॉक्टरांच्या प्रिस्क्रिप्शनसह असलेल्या औषधांना मर्यादित प्रमाणात परवानगी दिली जाते. 2. तीव्र वासाचे पदार्थ: विमानाची केबिन पूर्णपणे बंद आणि एसी असलेली असते. त्यामुळे तीव्र वास येणारे पदार्थ नेण्यास परवानगी नाही. यामध्ये प्रामुख्याने कच्चा कांदा, लसूण आणि विशिष्ट प्रकारच्या माशांपासून बनवलेले पदार्थ अनेक आंतरराष्ट्रीय एअरलाईन्समध्ये प्रतिबंधित आहेत.
33
सुकं खोबरं, ताजी फळे आणि भाज्या, मांस आणि दुग्धजन्य पदार्थ
3. सुकं खोबरं: सुकं खोबरं कॅबिन बॅगेत नेण्यास परवानगी नाही. कारण त्यात तेलाचे प्रमाण जास्त असल्याने ते लवकर पेट घेऊ शकते. त्यामुळे आगीचा धोका टाळण्यासाठी यावर बंदी आहे. 4. ताजी फळे आणि भाज्या: तुम्ही परदेशात प्रवास करत असाल, तर ताजी फळे, भाज्या आणि बियाणे नेण्यावर कठोर निर्बंध आहेत. आंतरराष्ट्रीय नियमांनुसार, यामुळे दुसऱ्या देशाच्या शेतीला हानी पोहोचवणारे कीटक किंवा रोग पसरू शकतात. असे करताना आढळल्यास मोठा दंड आकारला जाऊ शकतो. 5. मांस आणि दुग्धजन्य पदार्थ: अमेरिका, ऑस्ट्रेलिया आणि युरोपातील देशांसह अनेक देश आयात केलेले मांस, चीज किंवा दुग्धजन्य पदार्थ विमानात आणू देत नाहीत. तुम्हाला हे पदार्थ न्यायचेच असतील, तर एअरलाईनशी आगाऊ बोलून घेणे उत्तम.
