फेसबुक, इंस्टाग्राम खाते डिलीट करण्यासाठी गुगल सर्चमध्ये वाढ

नवी दिल्ली. बहुतेक जणांकडे फेसबुक, इंस्टाग्राम ही सोशल मीडिया खाती आहेत. ही दोन्ही अत्यंत लोकप्रिय आणि प्रत्येकाच्या आयुष्यातला अविभाज्य भाग आहेत. यासोबतच अलीकडेच मेटाच्या मालकीचे थ्रेड्स देखील सामील झाले आहे. पण आता अनेक जण आपली फेसबुक, इंस्टाग्राम आणि थ्रेड्स खाती डिलीट करू इच्छित आहेत. यासाठी खाती कशी डिलीट करायची, प्रक्रिया काय आहे हे गुगलवर सर्च करत आहेत. एकदम ही संख्या वाढली आहे. यामागचे कारण काय?

फेसबुक, इंस्टाग्राम आणि थ्रेड्स खाती डिलीट करण्यामागचे मुख्य कारण म्हणजे मार्क झुकरबर्ग यांनी अलीकडेच केलेली घोषणा. मेटाने अलीकडेच थर्ड पार्टी फॅक्ट चेकिंग सिस्टम बंद केली आहे. यासोबतच राजकीय विषय, राजकीय प्रेरित विषय यासह सर्व राजकीय संबंधित विषयांवर अनेक निर्बंध लादले होते. हे निर्बंधही हटवण्यात आले आहेत. कंटेंट मॉडरेशन पॉलिसीमध्ये केलेल्या या महत्त्वपूर्ण बदलामुळे आता फेसबुक, इंस्टाग्राम आणि थ्रेड्सच्या मुळांना आग लागल्यासारखे झाले आहे.

सोशल मीडिया वापरणारे बहुतेक जण आता फेसबुक, इंस्टाग्राम, थ्रेड्सवर चुकीची माहिती, लोकांना फसवणूक करणारी, जाणूनबुजून चुकीच्या मार्गावर नेणारी माहिती, द्वेषयुक्त भाषणे, चिथावणीखोर भाषणे वाढतील असे म्हणत आहेत. यामुळे वापरकर्त्यांच्या सुरक्षिततेलाही धोका निर्माण होईल, असे अनेकांनी मत व्यक्त केले आहे. मेटाने सत्यता पडताळणी करणारी थर्ड पार्टी सिस्टम बंद केल्यामुळे आता कोणतीही चुकीची माहिती खरी असल्याचे भासवून प्रसारित होऊ शकते. यामुळे वापरकर्त्यांना मोठी समस्या निर्माण होईल असे मत व्यक्त केले जात आहे.

मेटाच्या या घोषणेनंतर आता लोक गुगलच्या माध्यमातून ही खाती डिलीट करण्याची प्रक्रिया शोधत आहेत. गुगल ट्रेंड्समध्ये 'हॉउ टू परमनंटली डिलीट फेसबुक, इंस्टाग्राम, थ्रेड्स' (कायमस्वरूपी फेसबुकसह इतर खाती कशी डिलीट करायची) असे सर्च करत आहेत. ही संख्या तब्बल ५०००% ने वाढली आहे. आता लोक फेसबुकसह मेटाच्या सोशल मीडिया खात्यांपासून दूर जात आहेत.

काही वापरकर्त्यांनी मेटाला महत्त्वपूर्ण सूचना दिल्या आहेत. फॅक्ट चेकिंग बंद करणे हा चांगला निर्णय नाही, असे ते म्हणाले आहेत. थर्ड पार्टी सिस्टम बंद करण्यात आली आहे. पण त्या जागी आर्टिफिशियल इंटेलिजन्सचा वापर करून फॅक्ट चेकिंग सिस्टम लागू करण्याची सूचना दिली आहे. अन्यथा फेसबुकवर मार्क झुकरबर्ग आणि खोटी, चुकीची माहिती पोस्ट करणारे लोकच राहतील, अशी टिप्पणी केली आहे.

AI द्वारे काही पलानं अंमलात आणता येतील. किंवा मेटाने स्वतःची फॅक्ट चेकिंग, चुकीची माहिती नियंत्रित करणारे पथक नेमावे अशी सूचना दिली आहे. सध्या मेटा संकटात सापडला आहे. सोशल मीडियाचा वापर लोक कमी करत आहेत. या पार्श्वभूमीवर ही घटना मेटाच्या व्यवसायावर आणखी परिणाम करेल.