Emergency Info: संकटात जीव वाचवेल हे सिक्रेट; तुमच्या फोनमध्ये लगेच ऑन करा!

Emergency Info: तुमचा स्मार्टफोन लॉक असला तरी, आपत्कालीन परिस्थितीत तुमची वैद्यकीय माहिती आणि महत्त्वाचे कॉन्टॅक्ट नंबर्स लॉक स्क्रीनवर दिसू शकतात. हे फीचर कसं वापरायचं, ते जाणून घेऊया.

फोन लॉक असला तरी संकटात काळजी नाही

तुमचा स्मार्टफोन लॉक असला तरी, तुमचा जीव वाचवणारी महत्त्वाची माहिती लॉक स्क्रीनवर दाखवणारं एक जबरदस्त फीचर अँड्रॉइड (Android) आणि आयफोनमध्ये (iPhone) आहे. यामुळे अपघात झाल्यास मदत करणारे लोक फोन अनलॉक न करता तुमच्या घरच्यांना कळवू शकतात. तसेच, तुमचा रक्तगट (Blood Group), ॲलर्जी किंवा इतर आजारांची माहिती डॉक्टरांना लगेच मिळाल्याने योग्य उपचार सुरू करणं सोपं होतं.

लॉक स्क्रीनवर इमर्जन्सी माहिती सेव्ह करण्याचे सोपे मार्ग

सेटिंग्समध्ये जा: तुमच्या मोबाईलमधील Settings ॲप उघडा आणि तिथे Safety किंवा Emergency हा पर्याय निवडा. कॉन्टॅक्ट नंबर जोडा: तुमच्या कुटुंबातील किंवा जवळच्या मित्रांपैकी किमान दोन जणांचे नंबर 'इमर्जन्सी कॉन्टॅक्ट्स' (Emergency Contacts) म्हणून सेव्ह करा. वैद्यकीय माहिती भरा: तुमचा रक्तगट, तुम्हाला असलेले मोठे आजार किंवा ॲलर्जी याची माहिती इथे लिहा. फीचर ऑन करा: फोन लॉक असतानाही ही माहिती दिसावी, यासाठी 'Enable lock-screen access' हा पर्याय ऑन करा. एकदा तपासून पाहा: शेवटी, तुमचा फोन लॉक करून, ही इमर्जन्सी माहिती (Emergency Info) अनलॉक न करता दिसतेय की नाही, हे एकदा नक्की तपासा.

खाजगी माहिती शेअर करू नका

या फीचरमध्ये तुमचा रक्तगट आणि आपत्कालीन संपर्क क्रमांकांशिवाय, बँकेचे तपशील किंवा इतर कोणतीही गोपनीय वैयक्तिक माहिती टाकू नका. तुमच्या स्वतःच्या फोनसोबतच, तुमच्या कुटुंबातील सदस्यांच्या फोनमध्येही हे सेटिंग नक्की ऑन करून ठेवा. कारण म्हणतात ना, 'वेळेआधी सावध झालेलं बरं'!