Car Market: भारताच्या मिड-साईज एसयूव्ही सेगमेंटमध्ये स्पर्धा आता आणखी वाढणार आहे. टाटा आणि निसान आपल्या दोन नव्या गाड्या लाँच करत आहेत. या दोन्ही गाड्या ह्युंदाई क्रेटाला जोरदार टक्कर देतील अशी शक्यता आहे.
पुढच्या काही दिवसांत भारताचं मिड-साईज एसयूव्ही मार्केट तापणार आहे. ह्युंदाई क्रेटा आणि क्रेटा इलेक्ट्रिकला टक्कर देण्यासाठी टाटा मोटर्स आणि निसान इंडिया दोन नव्या एसयूव्ही लाँच करायला सज्ज आहेत. टाटा सिएरा EV 30 जूनला, तर निसान टेक्टॉन 9 जुलै 2026 रोजी अधिकृतपणे लाँच होणार आहे.
24
टाटा मोटर्सची सिएरा EV
टाटा मोटर्सने सिएरा EV चा अधिकृत टीझर व्हिडिओ प्रसिद्ध केला आहे. कंपनीने गाडीच्या पॉवरट्रेनबद्दल अजून माहिती दिली नाही. पण, टाटा हॅरियर EV मध्ये वापरलेले 65kWh आणि 75kWh बॅटरी पॅकच सिएरा EV मध्येही वापरले जातील, अशी माहिती समोर येत आहे. टॉप व्हेरिएंटमध्ये ड्युअल-मोटर ऑल-व्हील ड्राइव्ह (AWD) सिस्टीम असेल अशी अपेक्षा आहे. एकदा पूर्ण चार्ज केल्यावर ही कार 500 किलोमीटरपेक्षा जास्त रेंज देईल. गाडीच्या बाहेर बॉडी-कलरमधली ग्रिल, नवीन फ्रंट बंपर, ग्लॉसी ब्लॅक फिनिश, सिल्व्हर स्किड प्लेट आणि 'Sierra.ev' बॅजिंग ही मुख्य वैशिष्ट्ये आहेत.
34
वैशिष्ट्ये
कारच्या आतमध्ये ट्रिपल-स्क्रीन सेटअप, वायरलेस ऍपल कारप्ले आणि अँड्रॉइड ऑटो, ऑगमेंटेड रिॲलिटी हेड्स-अप डिस्प्ले (HUD), पॅनोरॅमिक सनरूफ, 13 स्पीकरवाली JBL ऑडिओ सिस्टीम, iRA कनेक्टेड कार टेक्नॉलॉजी, लेव्हल-2 ADAS सेफ्टी सिस्टीम आणि अनेक एअरबॅग्ज यांसारख्या आधुनिक सुविधा मिळतील अशी अपेक्षा आहे. या गाडीची किंमत सुमारे 18 लाख ते 25 लाख रुपयांपर्यंत असू शकते.
भारतीय मिड-साईज एसयूव्ही मार्केटमध्ये स्पर्धा आणखी तीव्र होणार
निसान टेक्टॉन ही मूळतः नवीन रेनॉ डस्टरचंच रिबॅज व्हर्जन आहे. पण, निसानने त्यांच्या फ्लॅगशिप पेट्रोल एसयूव्हीपासून प्रेरणा घेऊन याला एक नवीन डिझाइन दिलं आहे. मोठी काळी ग्रिल, लाल रंगाची पट्टी, कनेक्टेड LED डेटाइम रनिंग लाइट्स, उंच बोनेट, आकर्षक व्हील आर्च, कनेक्टेड LED टेललाइट्स, सिल्व्हर स्किड प्लेट आणि रूफ स्पॉयलर ही या गाडीची मुख्य डिझाइन वैशिष्ट्ये आहेत. इंजिनबद्दल बोलायचं झाल्यास, यात 100 bhp पॉवरचं 1.0-लिटर टर्बो पेट्रोल आणि 162 bhp पॉवरचं 1.3-Litre टर्बो पेट्रोल इंजिन मिळेल. ट्रान्समिशनचे पर्यायही रेनॉ डस्टरसारखेच असतील. टेक्टॉनची अपेक्षित किंमत 10 लाख ते 19 लाख रुपयांपर्यंत आहे. या दोन नवीन एसयूव्हीच्या आगमनामुळे, ह्युंदाई क्रेटाचं वर्चस्व असलेल्या भारतीय मिड-साईज एसयूव्ही मार्केटमध्ये स्पर्धा आणखी तीव्र होईल हे नक्की.
