Credit Card Debt : 1 लाखाचं बिल, तरीही कर्ज कमी का होत नाही? फक्त मिनिमम ड्यु भरल्याने कर्ज फिटतं का?
क्रेडिट कार्डवर १ लाखाचं कर्ज घेतलंय आणि दर महिन्याला न चुकता पैसे भरूनही ते कमी होत नाहीये का? तुम्ही फक्त 'मिनिमम ड्यु' भरत असाल, तर तुमचे पैसे फक्त व्याज आणि जीएसटीमध्येच जात आहेत. हे कसं घडतं ते समजून घ्या.
क्रेडिट कार्ड वापरणारे अनेक जण दर महिन्याला फक्त 'मिनिमम ड्यु' (Minimum Amount Due) भरण्याची चूक करतात. यामुळे लेट फी वाचते, पण कर्जाच्या जाळ्यातून बाहेर पडणं कठीण होतं.
तुम्ही भरलेल्या पैशांमधला मोठा हिस्सा व्याज आणि जीएसटीसाठी कापला जातो. मूळ रक्कम खूपच कमी प्रमाणात वजा होते. यामुळे तुमचं कर्ज वर्षानुवर्षे तसंच राहतं. १ लाखाचं क्रेडिट कार्ड बिल तुम्हाला या कर्जाच्या चक्रव्यूहात कसं अडकवतं?
फक्त मिनिमम ड्यु भरल्याने कर्ज फिटतं का?
क्रेडिट कार्डच्या बिलामध्ये 'टोटल अमाऊंट ड्यु' आणि 'मिनिमम अमाऊंट ड्यु' असे दोन पर्याय असतात.
तुम्ही वेळेवर फक्त मिनिमम ड्यु भरलात, तर लेट फी आणि पेनल्टी टळते. पण उरलेल्या रकमेवर बँक सतत व्याज लावत राहते.
क्रेडिट कार्ड कंपन्यांचे फायनान्स चार्जेस खूप जास्त असतात. त्यात व्याजावर जीएसटी लागतो. त्यामुळे तुम्ही भरलेले पैसे मूळ कर्जातून वजा न होता व्याजातच खर्च होतात.
BillCut चे सह-संस्थापक, सीईओ आणि सीटीओ तनिश शर्मा (Tanish Sharrma) सांगतात की, मिनिमम ड्यु भरल्याने फक्त त्या महिन्यापुरता दिलासा मिळतो, पण तुम्ही कर्जातून पूर्णपणे मुक्त होत नाही.