प्रसिद्ध घड्याळ कंपनी कॅसिओने (Casio) जपानमध्ये आपली नवीन 'LF-40W' ही रेट्रो डिझाईनची डिजिटल वॉच ३ नव्या रंगांमध्ये लाँच केली आहे. ३ वर्षांची बॅटरी लाईफ असलेल्या या घड्याळाची किंमत फक्त ₹२,५०० आहे.
कॅसिओने (Casio) आपल्या क्लासिक (Classic) सीरिजमध्ये 'LF-40W' हे नवीन रेट्रो डिजिटल वॉच मॉडेल ३ आकर्षक रंगांमध्ये जपानमध्ये लाँच केलंय. कंपनीने पहिल्यांदाच अशा प्रकारची नवीन एलसीडी (LCD) डिझाईन वापरली आहे. ही घड्याळे नोव्हेंबर २०२६ मध्ये बाजारात येतील.
LF-40W-1A, LF-40W-8A आणि LF-40W-2A या तिन्ही मॉडेल्सची किंमत टॅक्ससह ४,४०० येन (भारतीय चलनात सुमारे ₹२,५०० / $25) ठेवली आहे. २०२३ मधील LF-20W आणि २०२५ मधील LF-30W मॉडेल्सच्या किमतीतच हे नवीन घड्याळही मिळणार आहे.
24
कॅल्क्युलेटर वॉचसारखा रेट्रो डिस्प्ले
या घड्याळाचा पुढचा भाग पाहिल्यावर कीपॅड नसलेल्या जुन्या कॅल्क्युलेटर वॉचची आठवण येते. स्क्रीनच्या वरच्या भागात वेळ दिसते, तर खालच्या भागात ३ ओळींमध्ये बार (Bar) डिझाईनचे खास एलसीडी ब्लॉक्स दिले आहेत. कॅसिओने या डिझाईनला "गॅजेट-कान" (Gadget-kan - गॅजेटसारखा फील) असं नाव दिलंय. पहिल्या ओळीत अलार्म, तासाचा सिग्नल, बटन टोन आणि डेलाईट सेव्हिंग (Daylight saving) ऑन आहे की नाही हे समजतं. मधल्या आणि खालच्या ओळीत सेकंद १० आणि १ सेकंदाच्या अंतराने मोजले जातात.
34
काय आहेत खास फीचर्स?
बार-ब्लॉक्स काऊंट-डाऊन करतात अशी चर्चा होती, पण ते चढत्या क्रमानेच वेळ मोजतात, असं कॅसिओने स्पष्ट केलंय. याशिवाय, या घड्याळात अनेक भारी फीचर्स आहेत. यात २४-तासांचा काऊंट-डाऊन टायमर (Countdown timer), 1/100 सेकंद अचूक स्टॉपवॉच (Stopwatch), ४ जागतिक शहरांची वेळ दाखवणारे 'वर्ल्ड टाईम' (World Time), ५ डेली अलार्म आणि अंधारात वेळ पाहण्यासाठी एलईडी बॅकलाईट (LED Backlight) दिली आहे.
या घड्याळाची साईझ 37.8 x 33.7 x 8.6 मिमी असून वजन फक्त २३ ग्रॅम आहे. हे घड्याळ रेझिन (Resin) केसपासून बनवलंय. रोजच्या वापरासाठी यात वॉटर रेझिस्टन्स (Daily-life water resistance) फीचर दिलंय. याचा स्ट्रॅप इको-फ्रेंडली बायोमास प्लास्टिकपासून (Biomass plastic) बनवला आहे. यात CR1616 बॅटरी दिली असून ती तब्बल ३ वर्षे टिकते.
विशेष म्हणजे, गेल्या साडेतीन वर्षांत कॅसिओने या सीरिजच्या घड्याळांच्या किमती वाढवलेल्या नाहीत. मे २०२३ मध्ये आलेलं LF-20W आणि मे २०२५ मध्ये आलेलं LF-30W मॉडेलही याच ४,४०० येन किमतीत लाँच झालं होतं. जपानव्यतिरिक्त इतर देशांमध्ये हे LF-40W मॉडेल कधी आणि किती किमतीत येईल, हे कंपनीने अद्याप जाहीर केलेलं नाही.
Utility News (उपयुक्तता बातम्या): Check Latest उपयुक्तता बातम्या थेट in Marathi. Read वैयक्तिक कर्ज, बँकिंग टिप्स, गुंतवणूक, सोने आणि चांदीच्या किंमती बातम्या, ताज्या बातम्या at Asianet Marathi News .
