Car Parking Tips: उन्हाळ्यात चुकीच्या ठिकाणी गाडी पार्क केल्यामुळे इंजिन, बॅटरी आणि गाडीच्या रंगाचं मोठं नुकसान होऊ शकतं. त्यामुळे या 5 जागांवर गाडी पार्क करणं टाळायलाच हवं.
भारतात उन्हाळा दिवसेंदिवस वाढत आहे. अशा परिस्थितीत आपल्या गाड्या सुरक्षित ठेवणं खूप महत्त्वाचं आहे. जास्त उष्णतेमुळे गाडीच्या इंजिनपासून ते इंटिरियरपर्यंत अनेक भागांचं नुकसान होऊ शकतं. अनेकजण नकळतपणे चुकीच्या ठिकाणी गाडी पार्क करतात आणि नंतर त्यांना मोठा खर्च येतो.
25
थेट सूर्यप्रकाशात पार्किंग
रस्त्याच्या कडेला किंवा मोकळ्या जागेत थेट उन्हात गाडी पार्क करणं ही सर्वात मोठी चूक आहे. यामुळे गाडीच्या आतलं तापमान वेगाने वाढतं. डॅशबोर्ड, सीट आणि स्टीअरिंग इतके गरम होतात की त्यांना हातही लावता येत नाही. शिवाय, गाडी जास्त वेळ उन्हात राहिल्यास तिचा रंग फिका पडतो आणि प्लास्टिकचे भाग खराब होतात.
35
झाडाखाली थांबल्यास सुरक्षितता आहे का?
सावली मिळेल या विचाराने अनेकजण झाडाखाली गाडी पार्क करतात. पण उन्हाळ्यात हे धोकादायक ठरू शकतं. झाडांवरून पडणारा चीक, पानं आणि पक्ष्यांची विष्ठा गाडीच्या पृष्ठभागाला खराब करू शकते. उष्णतेमुळे या गोष्टी गाडीच्या रंगाला चिकटतात आणि नंतर ते साफ करणं खूप अवघड होऊन बसतं.
चारही बाजूंनी भिंती असलेल्या किंवा हवा खेळती नसलेल्या ठिकाणी गाडी पार्क करणंही धोकादायक आहे. अशा ठिकाणी उष्णता अडकून राहते आणि बाहेर पडू शकत नाही. यामुळे गाडीचं इंजिन आणि बॅटरी लवकर गरम होतात आणि त्यांची कार्यक्षमता कमी होते. कालांतराने बॅटरीचं आयुष्यही कमी होऊ शकतं.
55
कचरापेटी, विजेच्या खांबाजवळ धोका
कचऱ्याचा ढिगारा किंवा कचराकुंडीजवळ गाडी पार्क करणं टाळावं. उन्हाळ्यात उष्णतेमुळे आग लागण्याचा धोका असतो. तसेच, विजेचे खांब किंवा ट्रान्सफॉर्मरखाली गाडी पार्क करणं अत्यंत धोकादायक आहे. विजेच्या उपकरणांमध्ये बिघाड झाल्यास किंवा स्पार्क उडाल्यास गाडीचं नुकसान होण्याची शक्यता असते.
