Car Market: सेकंड हॅण्ड कार घेताय? हे डिटेल्स नक्की तपासा, अन्यथा बसेल मोठा फटका

Car Market: सेकंड हँड कार खरेदी करणं बजेटमध्ये बसत असलं तरी, एक छोटासा निष्काळजीपणा मोठ्या नुकसानीला कारण ठरू शकतो. तज्ज्ञांच्या मते, कार खरेदी करण्यापूर्वी तिची कागदपत्रं तपासणं खूप महत्त्वाचं आहे.

एक चूक आणि पैसे पाण्यात!

जर तुम्ही कर्ज बाकी असलेली किंवा कागदपत्रांमध्ये घोळ असलेली कार विकत घेतली, तर बँक किंवा कायदेशीर संस्था त्या गाडीवर हक्क सांगू शकतात. अशावेळी, पैसे देऊनही तुम्हाला गाडी गमवावी लागण्याचा धोका असतो.

बँकेची NOC आणि फॉर्म 35 मागा

विकणाऱ्याने गाडीवरचं कर्ज पूर्ण फेडलं आहे, असं तोंडी सांगितलं तर त्यावर विश्वास ठेवू नका. बँकेने दिलेलं मूळ NOC (ना हरकत प्रमाणपत्र) आणि फॉर्म 35 ची कॉपी मागा. ही कागदपत्रं सिद्ध करतात की बँकेने गाडीवरील आपला हक्क सोडला आहे. या कागदपत्रांशिवाय RC मधून बँकेचं नाव काढता येत नाही.

ही चेकलिस्ट फॉलो करायला विसरू नका

RC आणि मालकी हक्काची कागदपत्रं तपासा. गाडीची सर्व्हिस हिस्ट्री आणि इन्शुरन्स क्लेम बघा. ओडोमीटरमध्ये काही फेरफार केली आहे का, ते तपासा. कमीत कमी 5-10 किलोमीटर गाडी चालवून टेस्ट ड्राइव्ह घ्या. तुमच्या ओळखीच्या मेकॅनिककडून गाडीची तपासणी करून घ्या.

RTO मध्ये हे काम नक्की करा

गाडी तुमच्या नावावर ट्रान्सफर करताना, बँकेची NOC आणि संबंधित कागदपत्रं RTO मध्ये जमा केली आहेत की नाही, याची खात्री करा. यामुळे गाडीच्या कागदपत्रांमधून हायपोथिकेशन पूर्णपणे काढून टाकलं जाईल आणि भविष्यात कोणतीही कायदेशीर अडचण येणार नाही.