Car Market: चार्जिंगचं टेन्शन नाही की रेंजची चिंता नाही! रोज ऑफिसला जाणाऱ्यांसाठी EV पेक्षा जास्त फायदेशीर आणि सोयीस्कर ठरतील अशा 5 दमदार हायब्रीड कार्सबद्दल जाणून घ्या सविस्तर.
मारुती आणि टोयोटाच्या भागीदारीमुळे, टोयोटा अर्बन क्रूझर हायरायडर ही ग्रँड विटाराचीच रिबॅज केलेली आवृत्ती आहे. यातही तेच 1.5-लिटर तीन-सिलेंडर पेट्रोल इंजिन इलेक्ट्रिक मोटरसोबत मिळून सुमारे 114 bhp पॉवर आणि 141 Nm टॉर्क निर्माण करते. e-CVT ऑटोमॅटिक गिअरबॉक्स असलेल्या या गाडीचं ARAI-प्रमाणित मायलेज सुमारे 27.97 किमी प्रति लिटर आहे. या दमदार हायब्रीड हायरायडरची सुरुवातीची एक्स-शोरूम किंमत ₹16.77 लाख आहे.
24
होंडा सिटी e:HEV
होंडा सिटी e:HEV ही सध्या भारतात विकली जाणारी एकमेव बजेट हायब्रीड सेडान कार आहे. या गाडीत 1.5-लिटर तीन-सिलेंडर ॲटकिन्सन सायकल पेट्रोल इंजिन आहे. हे इंजिन एकूण 124.28 bhp पॉवर आणि 253 Nm टॉर्क निर्माण करतं. e-CVT ट्रान्समिशनसह येणारी ही कार ARAI-प्रमाणित २७.१ किमी प्रति लिटर मायलेज देते. या गाडीची सुरुवातीची एक्स-शोरूम किंमत ₹19.99 लाख आहे.
34
टोयोटा इनोव्हा हायक्रॉस
टोयोटा इनोव्हा हायक्रॉस ही जपानच्या टोयोटा कंपनीची एक हायब्रीड MPV आहे. या गाडीत TNGA 5 व्या जनरेशनचं इन-लाइन चार-सिलेंडर पेट्रोल इंजिन आहे. हे इंजिन एका इलेक्ट्रिक मोटर आणि निकेल मेटल हायड्राइड बॅटरीसोबत मिळून एकूण 183.7 hp पॉवर निर्माण करतं. टोयोटा इनोव्हा हायक्रॉस ARAI-प्रमाणित 23.24 किमी प्रति लिटर मायलेज देते. या दमदार हायब्रीड मॉडेलची किंमत ₹26.76 लाख (एक्स-शोरूम) आहे.
मारुती सुझुकी आणि टोयोटाच्या भागीदारीमुळे, मारुती सुझुकी इन्व्हिक्टो ही टोयोटा इनोव्हा हायक्रॉसचीच रिबॅज केलेली आवृत्ती आहे. या गाडीतही TNGA ५ व्या जनरेशनचं इन-लाइन चार-सिलेंडर पेट्रोल इंजिन आहे. हे इंजिन इलेक्ट्रिक मोटर आणि निकेल मेटल हायड्राइड बॅटरीसोबत मिळून एकूण 183.7 hp पॉवर निर्माण करतं. मारुती सुझुकी इन्व्हिक्टो ARAI-प्रमाणित 23.24 किमी प्रति लिटर मायलेज देते. या शक्तिशाली हायब्रीड मॉडेलची किंमत ₹24.97 लाख (एक्स-शोरूम) आहे.
