Car Market: फ्रान्सची कार कंपनी रेनॉने आपली लोकप्रिय SUV कायगर एका नवीन अवतारात आणली आहे. कंपनीने टर्बो इंजिन असलेले मॉडेल आता कमी किमतीत उपलब्ध करून दिले आहेत.
फ्रान्सची प्रसिद्ध कार कंपनी रेनॉने भारतीय बाजारात मोठा बदल घडवला आहे. कंपनीने आपली लोकप्रिय सब-कॉम्पॅक्ट एसयूव्ही 'रेनॉ कायगर'चं टर्बो पेट्रोल व्हेरिएंट ग्राहकांना कमी किमतीत उपलब्ध करून दिलं आहे. यासाठी त्यांनी 'इव्होल्यूशन टर्बो' हा नवीन व्हेरिएंट लाँच केला आहे. चला, या नव्या 2026 सीरिजबद्दल सविस्तर जाणून घेऊया.
25
नवीन इव्होल्यूशन टर्बो
यापूर्वी, रेनॉ कायगरच्या 1.0-लीटर टर्बो-पेट्रोल इंजिन व्हेरिएंटची सुरुवातीची किंमत 9.33 लाख रुपये होती. आता नवीन 'इव्होल्यूशन टर्बो' व्हेरिएंटमुळे हीच कार 7.89 लाख रुपयांपासून (एक्स-शोरूम) सुरू होते. म्हणजेच, ग्राहकांना थेट 1.46 लाख रुपयांची बचत होणार आहे.
35
इव्होल्यूशन प्लस
ज्यांना टर्बो इंजिन नको आहे, त्यांच्यासाठी कंपनीने 1.0-लीटर नॅचरली एस्पिरेटेड पेट्रोल इंजिन असलेलं 'इव्होल्यूशन प्लस' व्हेरिएंट आणलं आहे. याची सुरुवातीची किंमत 6.99 लाख रुपये आहे. तसेच, 'टेक्नो टर्बो' व्हेरिएंटमध्ये आता मॅन्युअल गिअरबॉक्सचा पर्यायही दिला आहे, ज्याची किंमत 8.45 लाख रुपये आहे. हा पर्याय CVT ऑटोमॅटिक व्हेरिएंटपेक्षा जवळपास 90,000 रुपयांनी स्वस्त आहे.
नवीन 'इव्होल्यूशन प्लस' आणि 'टर्बो' व्हेरिएंट्समध्ये ग्राहकांना आकर्षित करण्यासाठी अनेक प्रीमियम फीचर्स दिले आहेत. यात एलईडी DRLs, एलईडी टेललॅम्प्स, एलईडी हेडलॅम्प्स, 16-इंची फ्लेक्स व्हील्स आणि ॲडजस्टेबल ORVMs आहेत. शिवाय, 8-इंची टचस्क्रीन इन्फोटेनमेंट सिस्टीम, वायरलेस ॲपल कारप्ले आणि अँड्रॉइड ऑटो सपोर्ट, पुश-बटण स्टार्ट/स्टॉप, की-लेस एंट्री, ऑटोमॅटिक एसी आणि ड्रायव्हरसाठी उंची ॲडजस्ट करता येणारी सीट यांसारख्या सुविधा आहेत.
55
परफॉर्मन्स आणि जागा
रेनॉ कायगर आपल्या सेगमेंटमध्ये सर्वोत्तम परफॉर्मन्स आणि स्पेससाठी ओळखली जाते. टर्बो व्हेरिएंट्समध्ये उत्तम 'टॉर्क-टू-वेट' रेशो असल्यामुळे ही कार काही सेकंदात 0-100 किमी प्रतितास वेग गाठते. भारतीय रस्त्यांसाठी योग्य असा 205 मिमीचा ग्राउंड क्लिअरन्स, 405 लीटरची बूट स्पेस आणि केबिनमध्ये 29 लीटरची स्टोरेज स्पेस मिळते. मागच्या प्रवाशांना 222 मिमी लेगरूम (Knee space) आणि पुढच्या प्रवाशांना 710 मिमी जागा मिळते, जी या सेगमेंटमध्ये सर्वाधिक आहे.
