Car Market: स्कोडा कंपनीने मार्च महिन्यात आपल्या कुशाक, स्लाव्हिया आणि कोडियाक या गाड्यांवर बंपर डिस्काउंट जाहीर केला आहे. चला पाहूया कोणत्या गाडीवर किती ऑफर आहे आणि तुम्ही एकंदर किती बचत करू शकणार आहात याची सविस्तर माहिती
मार्च महिना सुरू होताच कार कंपन्या डिस्काउंटचा पाऊस पाडतात. याचंच औचित्य साधून स्कोडा ऑटो इंडियाने आपल्या सेडान आणि एसयूव्ही गाड्यांवर जबरदस्त ऑफर्स आणल्या आहेत. कॅश डिस्काउंट, एक्सचेंज बोनस, कॉर्पोरेट स्कीम आणि लॉयल्टी इन्सेंटिव्ह अशा अनेक मार्गांनी तुम्ही पैसे वाचवू शकता. नवीन आर्थिक वर्ष सुरू होण्यापूर्वी जुना स्टॉक क्लिअर करण्यासाठी कंपन्या या ऑफर्स देतात.
25
स्कोडा कुशाक
ह्युंदाई क्रेटा, फोक्सवॅगन टायगुन आणि मारुती ग्रँड विटाराला टक्कर देणाऱ्या स्कोडा कुशाकच्या 2026 च्या व्हेरिएंटवर 1.40 लाख रुपयांपर्यंत डिस्काउंट मिळत आहे. यात कॅश डिस्काउंट, एक्सचेंज बोनस आणि कॉर्पोरेट ऑफर्सचा समावेश आहे. इतकंच नाही, तर जुन्या म्हणजेच 2025 आणि 2024 च्या स्टॉकवर मॉन्टे कार्लो, प्रेस्टीज, स्पोर्टलाइन आणि सिग्नेचरसारख्या व्हेरिएंटवर तब्बल 3 लाख रुपयांपर्यंतची सूट मिळू शकते.
35
स्कोडा स्लाव्हिया
ह्युंदाई वेर्ना, होंडा सिटी आणि फोक्सवॅगन व्हर्टसला टक्कर देणाऱ्या स्लाव्हियाच्या 2026 च्या मॉडेल्सवर व्हेरिएंट आणि ट्रान्समिशननुसार सुमारे 60 ते 65 हजार रुपयांपर्यंत ऑफर्स आहेत. पण जर तुम्ही जुना स्टॉक घेतला, तर तुमची आणखी बचत होऊ शकते. जुन्या मॉडेल्सवर तुम्हाला 3 लाख रुपयांपर्यंत डिस्काउंट मिळण्याची शक्यता आहे.
या प्रीमियम सेगमेंट कारवर कंपनीने सर्वात जास्त डिस्काउंट दिला आहे. या गाडीच्या स्पोर्टलाइन व्हेरिएंटवर 5 लाख रुपयांपर्यंत आणि L&K सिलेक्शन व्हेरिएंटवर 2.5 लाख रुपयांपर्यंत ऑफर्स आहेत. तर, एन्ट्री-लेव्हल लाँच व्हेरिएंटवर तुम्ही सुमारे 1.50 लाख रुपये वाचवू शकता.
55
स्कोडा कायलाकवरही फायदा
टाटा नेक्सॉन, ह्युंदाई व्हेन्यू, किया सोनेट आणि मारुती ब्रेझासारख्या गाड्यांना टक्कर देणारी ही सब-4 मीटर एसयूव्ही 'कायलाक' आहे. याच्या मिड-स्पेक सिग्नेचर आणि सिग्नेचर+ व्हेरिएंटवर 75,000 रुपयांपर्यंत डिस्काउंट मिळत आहे. ऑटोमॅटिक व्हर्जनवर थोडी कमी सूट आहे. एक गोष्ट लक्षात घ्या की, इथे दिलेले डिस्काउंट हे अंदाजे आहेत. प्रत्येक राज्य, शहर, डीलरशिप, स्टॉक आणि कारच्या रंगाप्रमाणे या ऑफर्स बदलू शकतात.
