Car Market: मारुती सुझुकी आपल्या हायब्रीड कार्सची संख्या वाढवण्याच्या तयारीत आहे. यासाठी कंपनी स्वतः विकसित केलेले नवीन हायब्रीड तंत्रज्ञान लवकरच सादर करणार आहे.
सध्या ग्रँड विटारा आणि इनव्हिक्टोमुळे हायब्रीड कार बाजारात मारुतीचा 19% वाटा आहे. आता कंपनी स्वतःचे नवीन हायब्रीड पॉवरट्रेन विकसित करत आहे. 'HEV' या सांकेतिक नावाने ओळखले जाणारे हे तंत्रज्ञान टोयोटाच्या सिस्टीमपेक्षा जास्त मायलेज देईल आणि स्वस्तही असेल. मारुती फ्रॉन्क्स फेसलिफ्टमध्ये हे तंत्रज्ञान पहिल्यांदा वापरले जाईल. मात्र, मोठ्या प्रीमियम एसयूव्हीमध्ये टोयोटाचेच तंत्रज्ञान कायम राहील.
24
2026 मध्ये दोन नवीन हायब्रीड मॉडेल्स
मारुती सुझुकी 2026 मध्ये दोन नवीन हायब्रीड मॉडेल्स लाँच करणार आहे: ग्रँड विटारा फेसलिफ्ट आणि एक प्रीमियम 3-रो एसयूव्ही. 'Y17' या कोडनेमने ओळखली जाणारी ही 7-सीटर एसयूव्ही ग्रँड विटारावर आधारित असेल. अतिरिक्त सीटसाठी तिची व्हीलबेस जास्त लांब असेल. समोर आलेल्या काही फोटोंनुसार, या एसयूव्हीचे बंपर आणि लायटिंग 'ई विटारा' मॉडेलवरून प्रेरित असू शकतात.
34
?
ही 7-सीटर एसयूव्ही ग्लोबल सी प्लॅटफॉर्मवर तयार केली जाईल. यात सध्याच्या ग्रँड विटाराइतकेच इंजिन पर्याय मिळण्याची शक्यता आहे. यामध्ये 104 बीएचपी पॉवर देणारे 1.5 लिटर पेट्रोल इंजिन आणि ११६ बीएचपी पॉवर देणारे 1.5 लिटर पेट्रोल हायब्रीड इंजिन असेल. मॅन्युअल, ऑटोमॅटिक गिअरबॉक्ससोबतच AWD (ऑल-व्हील ड्राइव्ह) सिस्टीमचा पर्यायही मिळेल.
2026 मध्ये येणाऱ्या ग्रँड विटारा फेसलिफ्टमध्ये डिझाइनमध्ये छोटे बदल आणि काही नवीन फीचर्स मिळतील. यात नवीन ग्रील, नवीन डिझाइनचे बंपर, अपडेटेड एलईडी लायटिंग आणि नवीन अलॉय व्हील्स असू शकतात. इंजिनमध्ये कोणताही बदल होणार नाही. मात्र, यात पूर्णपणे डिजिटल इन्स्ट्रुमेंट क्लस्टर, मोठी टचस्क्रीन इन्फोटेनमेंट सिस्टीम आणि लेव्हल-2 ADAS सेफ्टी फीचर्स मिळण्याची शक्यता आहे.
