पावसाळ्यात इंटरनेटचा स्पीड वाढवण्यासाठी ट्राय करा या 3 ट्रिक्स

Internet Speed : पावसाळ्यात जर तुमचा मोबाइल नेटवर्क स्लो होत असेल, तर आता घाबरण्याची गरज नाही.कोणत्या ३ सोप्या सेटिंग्ज बदलून तुम्ही तुमच्या मोबाईल किंवा वायफायची स्पीड वाढवू शकता याबद्दल जाणून घेऊया.

Tips To Internet Speed Increase in Monsoon : स्लो इंटरनेट, व्हिडिओ लोड होत नाहीयेत, कॉल ड्रॉप होत आहेत आणि व्हॉट्सअ‍ॅप मेसेजही उशीरा येत आहेत. पावसाळ्यासोबत या सगळ्या समस्या फुकटात येतात. पाऊस पडताच मोबाइल नेटवर्क आणि इंटरनेटची अवस्था बिकट होते. जर तुम्हीही या समस्येने त्रस्त असाल तर फक्त तुमच्या स्मार्टफोनच्या ३ सोप्या सेटिंग्ज ऑन करून इंटरनेटला ५G सारखा रॉकेट बनवू शकता. त्यानंतर तुम्ही ऑनलाइन मीटिंग करा किंवा इंस्टाग्राम रील्स पहा किंवा BGMI खेळा, तुमचा इंटरनेट भरधाव स्पीडने चालेल. सर्वात महत्त्वाची गोष्ट म्हणजे या ट्रिक्स अँड्रॉइड (Android) पासून आयफोन (iPhone) पर्यंत प्रत्येक मोबाईलमध्ये काम करतात.

१. 'Prefer LTE/5G' मोड नेहमी ऑन ठेवा

पावसाळ्यात ३G किंवा ऑटो मोडवर नेटवर्क सारखा बदलत राहतो, ज्यामुळे स्पीड कमी होते. म्हणून तुमच्या फोनमध्ये हा मोड नेहमी ऑन ठेवा, यामुळे तुमचा इंटरनेट स्पीड चांगला राहील. जर तुमचा एरिया ५G सपोर्ट करत असेल तर ५G ऑन ठेवल्याने स्पीड वाढते, विशेषतः लाईव्ह व्हिडिओ किंवा डाउनलोडिंगमध्ये.

अँड्रॉइडवर कसे ऑन करायचे

सेटिंग्ज > मोबाइल नेटवर्क > प्रेफर्ड नेटवर्क प्रकार > LTE/5G निवडा

आयफोनमध्ये कसे ऑन करायचे

सेटिंग्ज > सेल्युलर > सेल्युलर डेटा पर्याय > व्हॉइस आणि डेटा > ४G/5G ऑन निवडा

२. वायफायमध्ये 'प्रायव्हेट DNS' सेटिंग इनेबल करा

पावसाळ्यात लोकल DNS सर्व्हर स्लो होतो. प्रायव्हेट DNS द्वारे तुमची डिव्हाइस थेट जलद आणि क्लीन नेटवर्क चॅनेलशी कनेक्ट होते. हे इनेबल करताच तुम्हाला दिसेल की वेबसाइट्स आणि अ‍ॅप्स उघडण्यात कोणतीही अडचण येणार नाही.

अँड्रॉइडवर कसे इनेबल करायचे

सेटिंग्ज > नेटवर्क आणि इंटरनेट > अ‍ॅडव्हान्स्ड > प्रायव्हेट DNS > 'dns.google' किंवा '1dot1dot1dot1.cloudflare-dns.com' वर सेट करा

आयफोनमध्ये कसे इनेबल करायचे

सध्या आयफोनमध्ये कस्टम DNS मॅन्युअली वायफाय सेटिंग्जमध्ये अ‍ॅड करावे लागते. यासाठी सेटिंग्ज > वायफाय > कनेक्टेड नेटवर्क > DNS कॉन्फिगर करा > मॅन्युअल > सर्व्हर अ‍ॅड करा (1.1.1.1/8.8.8.8)

३. बॅकग्राउंड डेटा बंद करून अ‍ॅक्टिव्ह अ‍ॅपला पूर्ण नेटवर्क द्या

पावसाळ्यात नेटवर्क कमकुवत असतो आणि तुमची बॅकग्राउंड अ‍ॅप्स जसे की प्ले स्टोअर, गुगल ड्राइव्ह, अपडेट्स डेटा वापरत राहतात. याशिवाय यूट्यूब आणि नेटफ्लिक्स (Netflix) सारख्या अ‍ॅप्ससाठी 'डेटा सेव्हर'चा पर्याय बंद करा. यामुळे व्हिडिओ क्वालिटीही चांगली राहील आणि स्पीडही चांगली राहील.

अँड्रॉइड युजरने काय करावे?

सेटिंग्ज > अ‍ॅप्स > अ‍ॅप्स निवडा > डेटा वापर > बॅकग्राउंड डेटा बंद करा

आयफोन युजरने काय करावे?

सेटिंग्ज > सामान्य > बॅकग्राउंड अ‍ॅप रिफ्रेश > बंद