Bike Market: Ultraviolette कंपनीने आपल्या X-47 क्रॉसओव्हर इलेक्ट्रिक बाईकसाठी 'बॅटरी फ्लेक्स' नावाची एक नवीन योजना आणली आहे. या योजनेमुळे हाय-एंड इलेक्ट्रिक बाईक खरेदी करणं आता खूप सोपं झालं आहे.
जास्तीत जास्त लोकांपर्यंत इलेक्ट्रिक बाईक्स पोहोचाव्यात, यासाठी Ultraviolette कंपनीने एक नवीन 'बॅटरी फ्लेक्स' योजना सुरू केली आहे. या योजनेमुळे, तुम्ही Ultraviolette X-47 क्रॉसओव्हर इलेक्ट्रिक बाईक कमी पैशात खरेदी करू शकता. कंपनीने सांगितले आहे की, जी बाईक आधी जवळपास 2.50 लाख रुपयांना मिळत होती, ती आता या योजनेअंतर्गत फक्त 1.49 लाख रुपयांच्या सुरुवातीच्या किमतीत उपलब्ध होईल.
25
बॅटरी फ्लेक्स योजना
ही योजना 'बॅटरी-ॲज-ए-सर्व्हिस' (BaaS) मॉडेलवर काम करते. म्हणजे, तुम्ही फक्त बाईकच्या चेसिसचे पैसे देऊन गाडी घरी आणू शकता. बॅटरीसाठी तुम्हाला दरमहा सबस्क्रिप्शन फी भरावी लागेल. ही सबस्क्रिप्शन योजना महिन्याला 2,499 रुपयांपासून सुरू होते. कंपनीच्या मते, ही रक्कम तुमच्या पेट्रोलच्या मासिक खर्चापेक्षाही कमी असू शकते.
35
हाय-एंड इलेक्ट्रिक बाईक
कंपनीने ही 'बॅटरी फ्लेक्स' योजना Ecofy या भारतातील ग्रीन फायनान्स सेवा देणाऱ्या NBFC कंपनीसोबत मिळून सुरू केली आहे. या योजनेचा सर्वात मोठा फायदा म्हणजे, ग्राहकांना जास्त पैसे न गुंतवता एक प्रीमियम इलेक्ट्रिक बाईक वापरण्याची संधी मिळते. तसेच, बॅटरीची देखभाल किंवा ती बदलण्याची चिंता न करता तुम्ही गाडी वापरू शकता.
या बॅटरी सबस्क्रिप्शन योजनेत तुम्हाला तब्बल 5 वर्षांची बॅटरी वॉरंटी मिळेल, असं कंपनीने स्पष्ट केलं आहे. इतकंच नाही, तर सबस्क्रिप्शनचा कालावधी पूर्ण झाल्यावर कोणत्याही अतिरिक्त शुल्काशिवाय त्या बॅटरीची मालकी थेट तुमच्या नावावर केली जाईल. यामुळे ग्राहकांना भविष्यात मोठा फायदा होईल.
55
बुकिंग लवकरच सुरू
'बॅटरी फ्लेक्स' योजनेसाठी नोंदणी 5 मार्च 2026 पासून सुरू होईल. या योजनेमुळे देशभरातील ग्राहकांना कमी गुंतवणुकीत एक दमदार इलेक्ट्रिक बाईक खरेदी करण्याची संधी मिळणार आहे. इलेक्ट्रिक गाड्या सर्वसामान्यांच्या आवाक्यात आणण्याच्या दिशेने हे एक महत्त्वाचं पाऊल मानलं जात आहे.
