Bike Market: होंडा शाईन 125 मध्ये 123.94cc क्षमतेचं एअर-कूल्ड, सिंगल-सिलेंडर, BS-VI, OBD2B-अनुरूप इंजिन आहे. हे इंजिन सुमारे 10.8 PS पॉवर आणि 11 Nm टॉर्क निर्माण करतं. कमी देखभाल खर्चामुळे ही बाईक ग्राहकांच्या पसंतीस उतरली आहे.
गेली अनेक वर्षे होंडा शाईन 125cc कम्युटर बाईक सेगमेंटमध्ये आघाडीवर आहे. हीरो स्प्लेंडर, बजाज प्लॅटिना आणि टीव्हीएस रेडियन यांच्यासारख्या स्पर्धकांना मागे टाकत, आपल्या विश्वासार्हतेमुळे आणि कमी देखभाल खर्चामुळे ही बाईक ग्राहकांच्या पसंतीस उतरली आहे.
25
100 किमी स्पीड..
शाईन 125 मध्ये 123.94cc क्षमतेचं, एअर-कूल्ड, सिंगल-सिलेंडर, BS-VI, OBD2B-अनुरूप इंजिन आहे. हे इंजिन 10.8 PS पॉवर आणि 11 Nm टॉर्क जनरेट करतं. 5-स्पीड गिअरबॉक्समुळे बाईक शहरात चालवायला सोपी वाटते आणि हायवेवर 90-100 किमी/तास वेग सहज गाठते. अनेक रायडर्सच्या मते, इतर 125cc बाईक्सच्या तुलनेत शाईनचं इंजिन खूपच स्मूथ आहे.
35
50-60 किमी लिटरपर्यंत मायलेज
शाईनचं सर्वात मोठं वैशिष्ट्य म्हणजे तिचं मायलेज. ARAI नुसार ही बाईक 55 किमी/लिटर मायलेज देते, पण प्रत्यक्षात ती 50-60 किमी/लिटरपर्यंत मायलेज सहज देते. तिच्या 10.5-11 लिटरच्या टाकीमुळे एकदा टाकी फुल्ल केल्यावर 550-600 किमीचा प्रवास करता येतो. कमी वजनामुळे (113-115 किलो) आणि आरामदायी सीटमुळे शहरातल्या रस्त्यांवरही चालवताना थकवा जाणवत नाही. सुरक्षेसाठी CBS सह ड्रम किंवा डिस्क ब्रेकचा पर्याय मिळतो.
शाईनच्या नवीन मॉडेलमध्ये पूर्णपणे डिजिटल इन्स्ट्रुमेंट क्लस्टर, 15-वॅटचा USB-C चार्जिंग पोर्ट, क्रोम व्हायझर आणि नवीन आकर्षक रंगांचे पर्याय देण्यात आले आहेत. तिची डिझाइन साधी असली तरी प्रीमियम दिसते. होंडाचं मोठं सर्व्हिस नेटवर्क आणि चांगली रिसेल व्हॅल्यू यामुळे ही बाईक अधिक आकर्षक ठरते.
55
मायलेज, आराम, बिल्ड क्वालिटी
या बाईकची एक्स-शोरूम किंमत फक्त ₹81,502 पासून सुरू होते. मायलेजच्या बाबतीत बजाज प्लॅटिना चांगली असली तरी, आराम आणि बिल्ड क्वालिटीमध्ये शाईन सरस ठरते. टीव्हीएस रेडियन दिसायला स्पोर्टी असली तरी, दीर्घकाळ टिकण्याच्या आणि सर्व्हिसच्या बाबतीत होंडाशी स्पर्धा करणं कठीण आहे.
