Besan Face Packs: चमकदार त्वचेसाठी बेसनाचे हे ३ फेसपॅक नक्की ट्राय करा

बेसनामध्ये अँटी-बॅक्टेरियल आणि सूज कमी करणारे गुणधर्म असतात. त्यामुळे पिंपल्सची समस्या दूर करण्यासाठी बेसन खूप फायदेशीर ठरते. बेसनाचा फेसपॅक नियमित लावल्यास चेहऱ्यावरील मुरुमे कमी होण्यास मदत होते.

बेसन आपल्या सगळ्यांच्याच घरात सहज मिळतं. चविष्ट पदार्थ बनवण्यासोबतच बेसन त्वचेसाठीही खूप फायदेशीर आहे. उन्हामुळे काळवंडलेली त्वचा (suntan) उजळवण्यासाठी बेसनाचा खूप चांगला उपयोग होतो. बेसनाचा नियमित वापर केल्यास टॅनिंग कमी होते आणि त्वचेचा नैसर्गिक रंग परत येतो.

बेसनामध्ये अँटी-बॅक्टेरियल आणि सूज कमी करणारे गुणधर्म भरपूर प्रमाणात असतात. त्यामुळे पिंपल्सवर उपचार करण्यासाठी हा एक उत्तम उपाय आहे. बेसनाचा फेसपॅक नियमित वापरल्यास पिंपल्स येण्याचे प्रमाण लक्षणीयरीत्या कमी होते.

त्वचेवरील अतिरिक्त तेल नियंत्रित करणे, हा बेसनाचा आणखी एक मोठा फायदा आहे. तेलकट त्वचा नियंत्रणात ठेवण्यासाठी तुम्ही बेसनाचा वापर फेसपॅक किंवा स्क्रब म्हणून करू शकता. त्वचेची काळजी घेण्यासाठी बेसनाचा वापर कसा करावा, ते खालीलप्रमाणे:

बेसन आणि दह्याचा फेसपॅक

२ चमचे बेसन, १ चमचा दही आणि चिमूटभर हळद एकत्र करून चांगली पेस्ट बनवा. हा पॅक चेहऱ्यावर लावा. दह्यामध्ये लॅक्टिक ॲसिड असते, ज्यामुळे त्वचेला छान ग्लो येतो.

बेसन आणि दुधाचा फेसपॅक

बेसनामध्ये थोडे दूध मिसळून पेस्ट तयार करा आणि चेहऱ्याला लावा. दुधामुळे त्वचेला ओलावा मिळतो आणि त्वचा मऊ होते. हा फेसपॅक तुम्ही आठवड्यातून दोन ते तीन वेळा लावू शकता.

बेसन आणि टोमॅटोचा फेसपॅक

२ चमचे बेसन आणि २ चमचे टोमॅटोचा रस किंवा पल्प एकत्र करून व्यवस्थित मिक्स करा. हा पॅक चेहऱ्यावर लावा. टोमॅटोमध्ये नैसर्गिक ॲसिड असते, जे त्वचेचा निस्तेजपणा आणि उन्हामुळे आलेला काळेपणा दूर करण्यास मदत करते.