Bal AADHAAR Update: बाल आधार अपडेट करण्याची मोफत मुदत संपली असली तरी तुम्ही ते अपडेट करू शकता. यासाठी आता तुम्हाला शुल्क द्यावे लागेल. बायोमेट्रिक अपडेटसाठी १२५ रुपये आणि नाव, पत्ता किंवा जन्मतारीख बदलण्यासाठी ७५ रुपये लागतील.
लहान मुलांचे बाल आधार मोफत अपडेट करण्याची ३० सप्टेंबरची मुदत आता संपली आहे. UIDAI ने नुकतीच याबद्दल मोठी अपडेट दिली आहे. ज्या पालकांनी अजूनही मुलांचे आधार अपडेट केलेले नाही, त्यांना आता खिशातून पैसे मोजावे लागतील.
28
आधार कार्ड आता ८ ते ८० वर्षांच्या प्रत्येकासाठी आवश्यक
आधार कार्ड हे आता भारतीय ओळखीचा सर्वात मोठा पुरावा बनले आहे. सरकारी आणि खाजगी अशा सर्वच कामांसाठी ते खूप महत्त्वाचे आहे. पण मोठ्यांच्या आणि लहान मुलांच्या आधारच्या नियमांमध्ये फरक आहे. म्हणूनच लहान मुलांसाठी वेगळ्या पद्धतीने 'बाल आधार' बनवले जाते.
38
५ वर्षांपेक्षा कमी वयाच्या मुलांना बायोमेट्रिक लागत नाही
५ वर्षांपेक्षा कमी वयाच्या मुलांचे बाल आधार काढताना बोटांचे ठसे किंवा डोळ्यांचे स्कॅन (बायोमेट्रिक) द्यावे लागत नाही. त्यामुळे अगदी लहान वयात आधार काढणे सोपे जाते. पण मुलाचे वय ५ वर्षे पूर्ण होताच पहिल्यांदा बायोमेट्रिक अपडेट करणे गरजेचे असते.
UIDAI च्या नियमांनुसार, ५ ते १७ वर्षे वयोगटातील मुलांच्या आधारमध्ये बायोमेट्रिक अपडेट करणे सक्तीचे आहे. पहिले अपडेट ५ व्या वर्षी आणि दुसरे १५ व्या वर्षी करावे लागते. या अपडेटमध्ये बोटांचे ठसे, डोळ्यांचे स्कॅन आणि नवीन फोटो घेतला जातो.
58
५-७ आणि १५-१७ वयोगटातील मुलांची मोफत संधी संपली
या दोन वयोगटातील मुलांचे बायोमेट्रिक अपडेट ३० सप्टेंबरपर्यंत मोफत करता येत होते. पण आता ती मुदत संपल्यामुळे मोफत अपडेटची संधी उरलेली नाही. ज्यांनी आज-उद्या करत वेळ काढला, त्यांच्यासाठी हा मोठा झटका आहे.
68
मुदतीनंतर बायोमेट्रिक अपडेटसाठी लागणार १२५ रुपये
३० सप्टेंबरनंतर बायोमेट्रिक अपडेट करण्यासाठी तुम्हाला १२५ रुपये शुल्क द्यावे लागेल. म्हणजेच जे काम आतापर्यंत मोफत होत होते, त्यासाठी आता पैसे खर्च करावे लागतील. आता आणखी उशीर केल्यास फक्त मनस्तापच नाही, तर विनाकारण खर्चही वाढेल.
78
नाव, पत्ता, जन्मतारीख बदलण्यासाठी ७५ रुपये खर्च
बायोमेट्रिक व्यतिरिक्त जर तुम्हाला नाव, पत्ता किंवा जन्मतारीख यांसारखी माहिती बदलायची असेल, तर आधार सेवा केंद्रावर प्रत्येक अपडेटसाठी ७५ रुपये लागतात. त्यामुळे कोणती माहिती बदलायची आहे, हे आधीच ठरवून केंद्रावर जाणे फायद्याचे ठरते.
88
अपडेट न केल्यास प्रवेश, शिष्यवृत्ती आणि सरकारी योजनांमध्ये अडचण
मुलांचे आधार अपडेट नसले तर शाळा-कॉलेजमधील प्रवेश, शिष्यवृत्ती, सरकारी योजना आणि विविध परीक्षांच्या वेळी ओळख पडताळणीत अडचणी येऊ शकतात. त्यामुळे तुमच्या मुलाचे वय ५ किंवा १५ वर्षे पूर्ण झाले असेल, तर अजिबात वेळ न घालवता जवळच्या आधार सेवा केंद्रात जाऊन बायोमेट्रिक अपडेट करून घ्या.
