Appraisal Hacks: वर्षातला तो काळ आला आहे, ज्याची प्रत्येक नोकरदार व्यक्ती वाट पाहत असते. हो, आपण बोलतोय अॅप्रायझल म्हणजेच पगारवाढीच्या वेळेबद्दल. तुम्हालाही यंदा पगारात चांगली वाढ हवी असेल, तर या 5 निगोशिएशन ट्रिक्स तुमच्या खूप कामी येतील.
अनेकजण खूप मेहनत करतात, पण बॉससमोर आपलं काम मांडायची वेळ आली की मागे पडतात. 'मी खूप मेहनत केली आहे,' असं नुसतं सांगू नका. त्याऐवजी त्यांना आकडेवारी दाखवा. गेल्या वर्षभरात तुम्ही कंपनीला किती फायदा करून दिला, किती प्रोजेक्ट्स वेळेवर पूर्ण केले किंवा किती खर्च वाचवला, याची एक लिस्ट तयार ठेवा. जेव्हा तुम्ही आकड्यांमध्ये बोलता, तेव्हा बॉसला 'नाही' म्हणणं अवघड जातं.
25
२. तुमची मार्केट व्हॅल्यू जाणून घ्या
निगोशिएशनसाठी बसण्यापूर्वी थोडा होमवर्क नक्की करा. तुमच्यासारख्याच पदावर आणि अनुभवाच्या लोकांना इतर कंपन्या किती पगार देत आहेत, याची माहिती काढा. जर तुम्हाला मार्केट रेटपेक्षा कमी पगार मिळत असेल, तर पगारवाढ मागण्यासाठी हा तुमच्यासाठी सर्वात मजबूत मुद्दा ठरू शकतो.
35
३. फक्त पैसाच सर्वकाही नाही
कंपनीने बजेटचं कारण देऊन पगारवाढ नाकारली, तर निराश होऊ नका. तुम्ही इतर फायद्यांवर बोलू शकता. जसं की वर्क फ्रॉम होमची सोय, जास्त सुट्ट्या, एखाद्या प्रोफेशनल कोर्सची फी किंवा चांगलं पद (डेसिग्नेशन). अनेकदा पद वाढल्यामुळे पुढच्या वर्षी पगारवाढ मिळवणं सोपं होतं.
अॅप्रायझल मीटिंगची वाट पाहू नका. योग्य संधी आणि वातावरण बघून बोलायला सुरुवात करा. जर तुम्ही नुकताच एखादा मोठा प्रोजेक्ट यशस्वी केला असेल किंवा बॉस तुमच्या कामावर खूश असतील, तर त्याच वेळी पगारवाढीच्या चर्चेला सुरुवात करा. योग्य वेळी केलेलं काम नेहमीच फायद्याचं ठरतं.
55
५. पुढच्या वर्षाचा रोडमॅप दाखवा
तुम्ही कंपनीच्या भविष्यासाठी किती महत्त्वाचे आहात, याचा विश्वास बॉसला द्या. पगारवाढीची मागणी करताना, पुढच्या वर्षी तुम्ही कंपनीसाठी आणखी काय नवीन करणार आहात, हेही सांगा. जेव्हा बॉसला तुमच्यामध्ये एक 'फ्युचर लीडर' दिसतो, तेव्हा ते तुम्हाला कंपनीत टिकवून ठेवण्यासाठी चांगली पगारवाढ द्यायला तयार होतात.
