Plant Stand: झाडांना द्या उंची, घराला द्या नवा लुक! बघा 5 स्टायलिश मेटल स्टँड्स

घराची शोभा वाढवण्यासाठी साध्या कुंड्यांपेक्षा मेटल स्टँड प्लांटर्स वापरून बघा. हे स्टायलिश आणि मॉडर्न प्लांटर्स तुमच्या लिव्हिंग रूम, बाल्कनी किंवा घराच्या एंट्रन्सला एक जबरदस्त आणि ट्रेंडी लुक देतील. जाणून घ्या ५ बेस्ट डिझाइन्स.

आपल्या घरात काही झाडं उंचीने कमी असतात, त्यामुळे त्यांची खरी सुंदरता दिसून येत नाही. अशा लहान झाडांना जेव्हा मेटल प्लांटर स्टँडवर ठेवलं जातं, तेव्हा ती अधिकच आकर्षक दिसतात. सिरॅमिक किंवा मेटलच्या कुंड्या तुम्ही अशा स्टँडमध्ये ठेवू शकता. चला, पाहूया असेच काही मेटल प्लांटर स्टँड्स जे तुमच्या घराचा लुकच बदलून टाकतील.

टॉल स्टिक स्टँड मॉडर्न गोल्ड प्लांटर

स्नेक प्लांट किंवा मनी प्लांटसारखी झाडं तुम्ही या उंच स्टँडमध्ये लावू शकता. याच्या उंच स्टिक डिझाइनमुळे ही झाडं खोलीत उठून दिसतात आणि घराच्या सौंदर्यात भर घालतात. तुम्हाला असे स्टँड्स प्लांटरसोबत ऑनलाइन सहज मिळतील.

जियोमेट्रिक मेटल स्टँड प्लांटर

याचं जॉमेट्रिक डिझाइन याला खूप खास बनवतं. तुम्ही यात त्रिकोण, चौकोन किंवा षटकोन (हेक्सागॉन) असे मॉडर्न आणि आर्टिस्टिक लुक निवडू शकता. तुमच्या आवडीनुसार यात कुंडी ठेवा. एक गोष्ट लक्षात ठेवा की, मेटल प्लांटरमध्ये शक्यतो मातीची कुंडी वापरावी आणि तिच्या तळाशी पाणी जाण्यासाठी छिद्र असावं.

डुअल टियर मेटल स्टँड प्लांटर

या प्लांटरमध्ये दोन लेव्हल्स असतात. त्यामुळे तुम्ही एकाच स्टँडमध्ये एक नाही, तर दोन झाडं ठेवू शकता. ज्यांच्या घरात जागा कमी आहे, त्यांच्यासाठी हा एक उत्तम पर्याय आहे. लिव्हिंग रूम किंवा बाल्कनीच्या कोपऱ्यात लेयरिंग इफेक्ट देण्यासाठी तुम्ही हा ऑप्शन निवडू शकता.

हे पण वाचा: तुमच्या बाल्कनी गार्डनला 'जबरदस्त' लुक देण्यासाठी २०० रुपयांपेक्षा कमी किमतीतल्या वस्तू

गोल्ड फिनिश लक्झरी मेटल प्लांटर

गोल्ड किंवा ब्रास फिनिशवाला हा प्लांटर खूपच रिच आणि एलिगंट लुक देतो. ज्यांच्या घराची थीम क्लासिक किंवा वॉर्म आहे, त्यांच्यासाठी हा परफेक्ट आहे. यात हिरवीगार झाडं ठेवल्यामुळे रंगांचा कॉन्ट्रास्ट खूप सुंदर दिसतो.

मिनिमल वायर फ्रेम मेटल प्लांटर

हे डिझाइन वजनाला खूप हलकं आणि दिसायला अगदी साधं असतं. या वायर फ्रेम स्टँडमध्ये छोट्या कुंडीतलं लहान रोप खूप छान दिसतं. ज्यांना मॉडर्न आणि कमीत कमी गोष्टी असलेला (क्लटर-फ्री) लुक आवडतो, ते छोट्या अपार्टमेंटसाठी किंवा टेबल टॉप डेकोरेशनसाठी हा पर्याय निवडू शकतात.