India Vs New Zealand : न्यूझीलंडविरुद्धच्या चौथ्या वनडेत श्रेयस अय्यरने जिंकला टॉस, गोलंदाजीचा निर्णय

भारत आणि न्यूझीलंड यांच्यात बे ओव्हलवर चौथी वनडे मॅच खेळवली जात आहे. भारतीय टीमचा कॅप्टन श्रेयस अय्यरने टॉस जिंकून पहिल्यांदा गोलंदाजी करण्याचा निर्णय घेतला. ५ मॅचच्या या सिरीजमध्ये टीम इंडिया २-० ने आघाडीवर असून टीममध्ये काही बदल करण्यात आले आहेत.

मुंबई : भारतीय टीमचा कॅप्टन श्रेयस अय्यरने शुक्रवारी बे ओव्हलवर न्यूझीलंडविरुद्धच्या पाच मॅचच्या सिरीजमधील चौथ्या वनडेत टॉस जिंकून फिल्डिंगचा निर्णय घेतला. या सिरीजमध्ये टीम इंडिया सध्या २-० ने पुढे आहे, तर हॅमिल्टनमधील तिसरी वनडे पावसामुळे रद्द झाली होती.

१९ नोव्हेंबरपासून सुरू होणाऱ्या टेस्ट सिरीजच्या तयारीसाठी नियमित कॅप्टन शुभमन गिल आणि केएल राहुल वनडे टीममधून बाहेर पडले आहेत. त्यामुळे उरलेल्या दोन वनडेसाठी श्रेयसकडे कॅप्टनशिप आली आहे. टॉसच्या वेळी बोलताना कॅप्टन अय्यरने सांगितलं की ऋतुराज गायकवाड, ईशान किशन आणि कुलदीप यादव हे प्लेइंग इलेव्हनमध्ये आहेत. तो म्हणाला, "आम्ही आधी गोलंदाजी करू. आम्हाला चेस करायला आवडेल. पिच खूप कोरडं वाटतंय. परिस्थिती समजून घेणं महत्त्वाचं आहे; आम्ही या मॅचला नॉकआउटप्रमाणे घेणार आहोत. ऋतुराज, किशन आणि कुलदीप टीममध्ये आहेत."

न्यूझीलंडचा कॅप्टन मिचेल सँटनरनेही सांगितलं, "क्रिकेटसाठी आजचा दिवस छान वाटतोय. पिचवर पेस आणि बाऊन्स मिळेल. थोडं कोरडंही दिसतंय. आम्ही आमच्या प्लेइंग इलेव्हनमध्ये सहा बदल केले आहेत. मुलांना संधी मिळणं चांगलं आहे. आम्हाला जे करायचं आहे त्याचा हा एक भाग आहे."

टीम लाईनअप

भारत (प्लेइंग इलेव्हन): रोहित शर्मा, ऋतुराज गायकवाड, विराट कोहली, श्रेयस अय्यर (कॅप्टन), ईशान किशन (विकेटकीपर), अक्षर पटेल, नमन धीर, आकिब नबी, कुलदीप यादव, गुरनूर ब्रार, अर्शदीप सिंग

न्यूझीलंड (प्लेइंग इलेव्हन): टिम सायफर्ट (विकेटकीपर), विल यंग, निक केली, डीन फॉक्सक्रॉफ्ट, फिन ऍलन, मायकेल ब्रेसवेल, मिचेल सँटनर (कॅप्टन), ख्रिश्चन क्लार्क, कायल जेमीसन, मॅट हेन्री, मॅथ्यू फिशर.