SA vs AUS 1st Test: डर्बन कसोटीपूर्वी 'सँडपेपर गेट' वादाची पुन्हा चर्चा

ऑस्ट्रेलिया आणि दक्षिण आफ्रिका यांच्यातील डर्बन कसोटीपूर्वी सुपरस्पोर्टने २०१८ च्या 'सँडपेपर गेट' वादाची पुन्हा आठवण करून दिली आहे. या व्हायरल व्हिडिओमुळे क्रिकेट फॅन्समध्ये दोन गट पडले असून, काहींना ही मस्करी आवडलीये तर काहींनी हा विषय सोडून देण्याचा सल्ला दिलाय.

९ ऑक्टोबरला डर्बनच्या किंग्समीड मैदानावर ऑस्ट्रेलिया आणि दक्षिण आफ्रिका यांच्यात ३ सामन्यांच्या मालिकेतील पहिली कसोटी रंगणार आहे. पण या मॅचपूर्वीच २०१८ च्या कुप्रसिद्ध 'सँडपेपर स्कँडल'ची पुन्हा एकदा जोरदार चर्चा सुरू झालीये. यामुळे या दोन तगड्या संघांमधल्या जुन्या कटू आठवणी आणि तणाव पुन्हा एकदा समोर आलाय.

तब्बल ८ वर्षांनंतर ऑस्ट्रेलियन टीम दक्षिण आफ्रिकेच्या मातीत, डर्बनमध्ये पहिली मॅच खेळणार आहे. यानंतर गकेबरहाच्या सेंट जॉर्ज पार्क आणि केपटाऊनच्या न्यूलँड्सवर पुढचे सामने होतील. २०१८ मध्ये या दोन कट्टर प्रतिस्पर्ध्यांमधली कसोटी मालिका ऑस्ट्रेलियन खेळाडूंच्या एका अत्यंत वादग्रस्त कृत्यामुळे गाजली होती.

तत्कालीन कर्णधार स्टीव्ह स्मिथ, उपकर्णधार डेव्हिड वॉर्नर आणि कॅमेरॉन बॅनक्रॉफ्ट हे या वादाच्या केंद्रस्थानी होते. बॅनक्रॉफ्ट कॅमेऱ्यात चेंडूवर सँडपेपर घासताना पकडला गेला होता. या घटनेने ऑस्ट्रेलियन क्रिकेटचे चित्र कायमचे बदलून टाकले.

डर्बन कसोटीपूर्वी सँडपेपर गेटचा व्हिडिओ पुन्हा व्हायरल

डर्बनच्या किंग्समीडवर होणाऱ्या या बहुचर्चित पहिल्या कसोटीसाठी दोन्ही संघ तयारी करत आहेत. अशातच ब्रॉडकास्टर 'सुपरस्पोर्ट'ने या संपूर्ण घटनेचा जुना व्हिडिओ शेअर करून आगीत तेल ओतण्याचं काम केलंय. यामुळे किंग्समीडवर होणाऱ्या पहिल्या लढतीवर न्यूलँड्सच्या त्या जुन्या आठवणींचं सावट नक्कीच असेल.

सुपरस्पोर्टने त्यांच्या एक्स (पूर्वीचे ट्विटर) हँडलवर एक व्हिडिओ पोस्ट केलाय, जो सोशल मीडियावर चांगलाच व्हायरल होतोय. या व्हिडिओत मिचेल मार्श एडन मार्करम आणि एबी डिव्हिलियर्सला बॉलिंग करत होता. त्याचवेळी कॅमेरॉन बॅनक्रॉफ्ट खिशातून एक पिवळी वस्तू काढून ती चेंडूवर वेगाने घासताना दिसला.

चेंडूच्या संशयास्पद हालचालीमुळे मैदानावरील पंचांना संशय आला. जेव्हा पंचांनी चेंडू बदलताना त्याला याबद्दल विचारलं, तेव्हा बॅनक्रॉफ्टने खिशातून काळ्या रंगाचं सनग्लासेसचं कव्हर दाखवलं आणि काहीही चुकीचं घडलं नसल्याचं भासवण्याचा प्रयत्न केला. पण, पँटमध्ये ती पिवळी वस्तू लपवण्याचा त्याचा प्रयत्न कॅमेऱ्यात आधीच कैद झालाय, याची या ऑस्ट्रेलियन फलंदाजाला अजिबात कल्पना नव्हती.

Our cameras will be sharp for this 3-match Test series 🎥

📺 SA v Aus | 1st Test | 9 October | 9:30 CAT

#SAvAUS #SSCricket https://t.co/BrUBZZWwUF

— SuperSport 🏆 (@SuperSportTV) October 7, 2026

कॅमेरॉन बॅनक्रॉफ्ट, स्टीव्ह स्मिथ आणि डेव्हिड वॉर्नर यांना याची भनकही नव्हती की त्यांचं हे कृत्य न्यूलँड्सच्या मोठ्या स्क्रीनवर दाखवलं जात होतं. ड्रेसिंग रूममध्ये बसून मॅच पाहणारे तत्कालीन मुख्य प्रशिक्षक डॅरेन लेहमन यांनी हे सगळं पाहिलं.

त्यानंतर लेहमन यांनी तातडीने १२ वा खेळाडू पीटर हँड्सकॉम्बला वॉकी-टॉकीवरून मेसेज देऊन मैदानावर पाठवलं आणि खेळाडूंना सावध केलं की ते ब्रॉडकास्ट कॅमेऱ्यात पकडले गेले आहेत.

सँडपेपर गेटच्या ट्रोलिंगवर फॅन्सच्या प्रतिक्रिया

ब्रॉडकास्टरने या कुप्रसिद्ध वादाची आठवण करून दिल्याने सोशल मीडियावर, विशेषतः एक्सवर (ट्विटर) क्रिकेट फॅन्सचं लक्ष वेधलं गेलंय. यावरून फॅन्समध्ये दोन गट पडलेत. काहींना ही मॅचपूर्वीची मस्करी वाटतेय, तर काहींच्या मते हा वाद आता विसरून जायला हवा.

सुपरस्पोर्टच्या या पोस्टवर अनेक युजर्सनी प्रतिक्रिया दिल्या आहेत. काहींनी २०१८ च्या या वादावर जोक्स करत जुन्या आठवणींना उजाळा दिलाय, तर काहींनी ब्रॉडकास्टर्स आणि फॅन्सना हा विषय आता सोडून देण्याचं आवाहन केलंय.

मात्र, फॅन्सच्या एका गटाला ही मस्करी खूप आवडलीये. अनेक युजर्सनी या खोडकर ट्रोलिंगसाठी सुपरस्पोर्टचं कौतुक केलंय आणि या दोन संघांमधल्या आगामी कसोटी मालिकेसाठी उत्सुकता व्यक्त केलीये.

@SuperSportTV Broadcasters getting no chill 😂😂.

Bring it on. 🔥🔥

#SAvsAUS #AUSvsSA #SAvAUS #AUSvSA #SouthAfricavsAustralia #AidenMarkram #TembaBavuma #TravisHead #Durban #SteveSmith #KagisoRabada #Sandpaper #sandpapergate #trending #news #trendingnews #cricketnews #latestnews #cricket

— Kapil Manghnani (@kapilmanghnani5) October 8, 2026

@SuperSportTV When the pitch isn’t rough enough, Australia brings its own🧻

— PlotLine | Post (@PlotLineX) October 7, 2026

@SuperSportTV Obvious commentators with no backbone couldn't call a spade a spade. Pathetic.

— Lenin (@Lenin9q5) October 7, 2026

@SuperSportTV If this is a movie, the upcoming second part needs SA to do something fishy to make matters really interesting 👀

— Manan Mehta (@Cricket_Nuffy43) October 7, 2026

@SuperSportTV Really? This stuff is going to be brought up so many times you might as well sponsor the series by Bunnings. Kudos to any commentators or journos that get through it focussing only on the cricket.

— Captain CricStocks (@CaptCricStocks) October 7, 2026

@SuperSportTV Funny how the South African bowlers were not able to find any reverse swing in the next test...

— bazwah (@bazwah69) October 7, 2026

This kind of trolling... 😉

— Bharath Ramaraj (@Fancricket12) October 7, 2026

This is going to be so much fun if we get some heated moments too. 🥰

— Silly Point (@FarziCricketer) October 7, 2026

Extremely funny bit of marketing but I think this is going to be one hell of a test series. Genuinely can’t call it

— Matty (@mattylufc_) October 7, 2026

Elite trolling 🔥🔥🔥🔥😂

— Eems (@NaeemahBenjamin) October 7, 2026

Jibe at Aussies already bring it on 😂😂😂

— ψ (@paradigmshhiftt) October 7, 2026

Saffers are cooking us, I can't wait for the revenge 👀

— paRaY_YasiR ✍️ (@ParayYasirfx) October 7, 2026

How much they will milk this incident?

It's as if cricket don't have any such notable issues post it and this was the last significant issue that caused huge uproar

— Samrossann (@SAMROSSANN) October 8, 2026

It’s over guys. Get on with it

— Kartik Kannan (@kartik_kannan) October 7, 2026

Now this is nasty 😂😂😂

— Faaru (@FaaruSays) October 7, 2026

दरम्यान, ऑस्ट्रेलियाने नुकताच क्रिकेट दक्षिण आफ्रिका (CSA) इन्व्हिटेशन इलेव्हन विरुद्ध दोन दिवसांचा सराव सामना खेळला. यात मार्नस लाबुशेनने (१११) शतक झळकावलं, तर उपकर्णधार स्टीव्ह स्मिथ (६१) आणि विकेटकीपर-बॅटर ॲलेक्स कॅरी (५७) यांनी महत्त्वाची अर्धशतकं करत पहिल्या कसोटीपूर्वी चांगला सराव केलाय.