IPL Match Today : दिल्ली-गुजरात आज भिडणार, मधल्या फळीच्या कामगिरीवर ठरेल सामन्याचा निकाल!

IPL 2026 DC vs GT Match Preview : बुधवार, ८ एप्रिल रोजी होणाऱ्या दिल्ली कॅपिटल्स (DC) विरुद्ध गुजरात टायटन्स (GT) मॅचमध्ये दोन्ही टीम्सच्या मधल्या फळीची कामगिरी निर्णायक ठरणार आहे. 

IPL 2026 DC vs GT Match Preview : आयपीएल २०२६ च्या १४ व्या मॅचमध्ये बुधवारी, ८ एप्रिलला दिल्ली कॅपिटल्स (DC) आणि गुजरात टायटन्स (GT) यांच्यात जबरदस्त टक्कर होणार आहे. ही मॅच दिल्लीच्या अरुण जेटली क्रिकेट स्टेडियमवर खेळवली जाईल. टॉस संध्याकाळी ७ वाजता होईल आणि मॅचची पहिली बॉल साडेसात वाजता टाकली जाईल. दोन्ही टीम्स मॅचसाठी दिल्लीत दाखल झाल्या आहेत. या सीझनमध्ये दिल्ली आणि गुजरात या दोन्ही टीम्सनी सुरुवातीच्या काही मॅचेस खेळल्या आहेत. त्यामुळे आता त्यांना मधल्या फळीचं (मिडल ऑर्डर) महत्त्व चांगलंच कळालं आहे. फक्त पॉईंट्स टेबलच नाही, तर दोन्ही टीम्सचा जय-पराजय सुद्धा त्यांच्या मधल्या फळीच्या कामगिरीवरच अवलंबून राहिला आहे.

DC च्या विजयात समीर रिझवी आणि स्टब्सचा मोठा वाटा

दिल्ली कॅपिटल्ससाठी पहिली मॅच सोपी नव्हती. लखनऊ सुपर जायंट्सविरुद्ध १४२ रन्सचं टार्गेट चेस करताना टीमची अवस्था ४ बाद २६ अशी झाली होती. अशा कठीण परिस्थितीत, इम्पॅक्ट प्लेअर म्हणून आलेल्या समीर रिझवीने ४۷ बॉल्समध्ये नाबाद ७०* रन्सची शानदार खेळी केली. त्याला ट्रिस्टन स्टब्सने ३२ बॉल्समध्ये नाबाद ३९* रन्स करून चांगली साथ दिली आणि टीमला विजय मिळवून दिला. दुसऱ्या मॅचमध्येही रिझवीने कमाल केली. मुंबई इंडियन्सविरुद्ध दिल्लीची अवस्था २ बाद ७ अशी होती, पण त्याने ५१ बॉल्समध्ये ९० रन्स फटकावले आणि १६३ रन्सचं टार्गेट पूर्ण करण्यात मोठा वाटा उचलला.

GT ची मधली फळी ठरतेय डोकेदुखी

दुसरीकडे, गुजरात टायटन्सची पहिल्या दोन मॅचमध्ये सुरुवात तर चांगली झाली, पण त्यांच्या मधल्या फळीने सपशेल निराशा केली. पंजाब किंग्सविरुद्ध १० ओव्हर्समध्ये ८३/१ अशा मजबूत स्थितीत असूनही, ग्लेन फिलिप्स, वॉशिंग्टन सुंदर, शाहरुख खान आणि राहुल तेवतिया यापैकी कोणीही मोठी खेळी करू शकलं नाही. याचा परिणाम असा झाला की, टीमला मोठा स्कोअर उभारता आला नाही आणि मॅच गमवावी लागली. राजस्थान रॉयल्सविरुद्धही २११ रन्सचं टार्गेट चेस करताना गुजरात १०७/१ अशा चांगल्या पोझिशनमध्ये होता, पण पुन्हा एकदा त्यांची मधली फळी कोसळली.

GT च्या मधल्या फळीची आकडेवारी चिंताजनक

आयपीएल २०२५ पासून गुजरातच्या चौथ्या ते सातव्या नंबरवर बॅटिंग करणाऱ्या खेळाडूंची सरासरी (average) फक्त २०.१ राहिली आहे, जी इतर टीम्सच्या तुलनेत खूपच कमी आहे. यामुळे शुभमन गिल, साई सुदर्शन आणि जोस बटलर या टॉप ऑर्डरच्या बॅट्समनची चांगली कामगिरीसुद्धा वाया जात आहे. जर गुजरातला ही मॅच जिंकायची असेल आणि दिल्लीची विजयाची लय तोडायची असेल, तर त्यांच्या मधल्या फळीला जबाबदारीने खेळावं लागेल.

शुभमन गिलच्या पुनरागमनाने GT ला दिलासा

दिल्ली कॅपिटल्स आपल्या प्लेइंग इलेव्हनमध्ये जास्त बदल करण्याची शक्यता कमी आहे, पण नितीश राणा आणि विपराज निगम यांना आणखी एक संधी मिळू शकते. गुजरात टायटन्ससाठी एक चांगली बातमी आहे. त्यांचा कॅप्टन शुभमन गिल आता पूर्णपणे फिट झाला आहे. मानेच्या दुखापतीमुळे तो मागची मॅच खेळू शकला नव्हता. आता तो कमबॅक करण्याची दाट शक्यता असून, तो ओपनिंगला उतरेल. मधली फळी मजबूत करण्यासाठी गुजरात जेसन होल्डरला टीममध्ये घेण्याचा विचार करू शकते.

दिल्ली कॅपिटल्स (संभाव्य प्लेइंग XI)

1. केएल राहुल (विकेटकीपर)
2. पथुम निसांका
3. नितीश राणा
4. समीर रिझवी
5. डेविड मिलर
6. ट्रिस्टन स्टब्स
7. अक्षर पटेल (कर्णधार)
8. विपराज निगम
9. कुलदीप यादव
10. लुंगी एनगिडी
11. टी नटराजन
12. मुकेश कुमार

गुजरात टायटन्स (संभाव्य प्लेइंग XI)

1. शुभमन गिल (कर्णधार)
2. साई सुदर्शन
3. जोस बटलर (विकेटकीपर)
4. वॉशिंग्टन सुंदर
5. ग्लेन फिलिप्स
6. राहुल तेवतिया
7. राशिद खान
8. कगिसो रबाडा/जेसन होल्डर
9. प्रसिद्ध कृष्णा
10. मोहम्मद सिराज
11. अशोक शर्मा