ICC Ranking : रोहितला मागे टाकत किंग कोहली अव्वल; टॉप १० मध्ये चार भारतीय खेळाडू

ICC Ranking : जुलै २०२१ नंतर विराट कोहली पहिल्यांदाच ICC एकदिवसीय रँकिंगमध्ये पहिल्या क्रमांकावर पोहोचला आहे. त्याने रोहित शर्माला मागे टाकले आहे. न्यूझीलंडविरुद्धच्या पहिल्या एकदिवसीय सामन्यातील कामगिरीमुळे कोहलीला हे स्थान मिळाले.

विराट कोहली अव्वल

अलीकडच्या काळातील उत्कृष्ट कामगिरीमुळे कोहली पहिल्या क्रमांकावर पोहोचला आहे. कोहलीचे ७८५ रेटिंग गुण आहेत.

डॅरिल मिचेल

भारताविरुद्धच्या पहिल्या वनडेत केलेल्या ८४ धावांमुळे न्यूझीलंडचा खेळाडू मिचेल दुसऱ्या स्थानी पोहोचला. मिचेलचे ७८४ रेटिंग गुण आहेत.

रोहित शर्मा

पहिल्या क्रमांकावर असलेला रोहित शर्मा, कोहलीच्या येण्याने तिसऱ्या क्रमांकावर घसरला आहे. रोहितचे ७७५ रेटिंग गुण आहेत.

इब्राहिम झद्रान

अफगाणिस्तानचा खेळाडू इब्राहिम झद्रान चौथ्या स्थानावर कायम आहे. त्याचे रेटिंग ७६४ आहे.

शुभमन गिल

रँकिंगमध्ये टॉप १० मध्ये असलेला दुसरा भारतीय खेळाडू गिल आहे. पाचव्या स्थानी असलेल्या गिलचे ७२५ रेटिंग गुण आहेत.

बाबर आझम

पाकिस्तानचा माजी कर्णधार बाबर आझम सहाव्या स्थानावर कायम आहे. त्याचे रेटिंग गुण ७२२ आहेत.

हॅरी टेक्टर

आयर्लंडचा टेक्टर सातव्या क्रमांकावर आहे. त्याच्या स्थानात कोणताही बदल झालेला नाही. टेक्टरचे ७०८ गुण आहेत.

शाई होप

वेस्ट इंडिजचा शाई होप आठव्या स्थानावर कायम आहे. होपचे ७०१ रेटिंग गुण आहेत.

चरिथ असलंका

श्रीलंकेचा खेळाडू असलंका नवव्या स्थानावर आहे. त्याचे रेटिंग गुण ६९० आहेत.

श्रेयस अय्यर

टॉप १० मधील चौथा भारतीय खेळाडू श्रेयस आहे. श्रेयसच्या खात्यात ६८२ गुण आहेत.