Sanjay Raut : 'मोदींची अराजकीय भाषणं छान असतात, पण...'; संजय राऊतांचे दावे; नेमकं काय म्हणाले?

पंतप्रधान नरेंद्र मोदी यांची अराजकीय भाषणं मस्त असतात, पण राजकीय भाषणांमध्ये काही दम नसतो, असा दावा शिवसेना खासदार संजय राऊत यांनी केलाय. सोबतच विजय मल्ल्याने देश सोडला म्हणजे तो काही चोर ठरत नाही, असंही त्यांनी आपल्या नव्या पुस्तकात म्हटलंय.

मुंबई : शिवसेना (उद्धव बाळासाहेब ठाकरे) पक्षाचे खासदार संजय राऊत यांनी पंतप्रधान नरेंद्र मोदी यांच्या भाषणांवर भाष्य केलंय. मोदींची अराजकीय भाषणं खूप प्रभावी असतात, असा सल्ला त्यांनी दिलाय. अयोध्येत श्रीराम यांच्या तत्त्वज्ञानावर मोदींनी केलेलं भाषण याचं उत्तम उदाहरण असल्याचं राऊत म्हणाले. पण दुसरीकडे, मोदींच्या राजकीय भाषणांमध्ये मात्र कोणताही अर्थ किंवा खोली नसते, अशी टीकाही त्यांनी केली.

संजय राऊत यांच्या लवकरच येणाऱ्या 'बोध कीर्तन' या पुस्तकात हे सगळे दावे करण्यात आले आहेत. या पुस्तकात त्यांनी उद्योगपती विजय मल्ल्या यांचाही उल्लेख केलाय. विजय मल्ल्या हा काही फसवणूक करणारा किंवा चोर माणूस नाहीय, असं राऊतांनी लिहिलंय. व्यवसाय पूर्णपणे बसल्यामुळे आणि आर्थिक संकट आल्यामुळेच मल्ल्याला देश सोडावा लागला, असा दावा संजय राऊत यांनी आपल्या या पुस्तकात केलाय.