मुंबई रेल्वे प्रवाशांसाठी महत्त्वाची बातमी! लांब पल्ल्याच्या गाड्यांचे टर्मिनस बदलले, वाचा संपूर्ण माहिती

Mumbai Train Changes : सीएसएमटीवरील प्लॅटफॉर्म 16 आणि 17 वर सुरू असलेल्या कामामुळे 27 एप्रिल ते 19 मे 2026 दरम्यान काही गाड्या दादर आणि ठाणे येथेच थांबवण्यात येणार आहेत. प्रवाशांनी पर्यायी प्रवासाची तयारी ठेवावी, असे आवाहन रेल्वे प्रशासनाने केले आहे.

Mumbai Train Changes : मुंबईतून रेल्वेने प्रवास करणाऱ्या प्रवाशांसाठी अत्यंत महत्त्वाची माहिती समोर आली आहे. सीएसएमटी येथे सुरू असलेल्या प्लॅटफॉर्म विस्तारीकरणाच्या कामामुळे काही लांब पल्ल्याच्या गाड्यांच्या शेवटच्या स्थानकात तात्पुरते बदल करण्यात आले आहेत. त्यामुळे प्रवाशांनी प्रवासापूर्वी आपली गाडीची माहिती तपासूनच नियोजन करणे आवश्यक ठरणार आहे.

मध्य रेल्वेचा महत्त्वाचा निर्णय

मध्य रेल्वेने सीएसएमटी स्थानकावरील प्लॅटफॉर्म क्रमांक 16 आणि 17 च्या विस्तारीकरणाचे काम हाती घेतले आहे. या कामामुळे स्थानकावरील वाहतूक व्यवस्थेवर परिणाम होत असून, काही गाड्यांचे टर्मिनस बदलण्याचा निर्णय घेण्यात आला आहे.

किती दिवस लागू राहणार बदल?

रेल्वे प्रशासनाच्या माहितीनुसार, हा बदल 27 एप्रिल ते 19 मे 2026 या कालावधीत लागू राहणार आहे. या काळात काही महत्त्वाच्या लांब पल्ल्याच्या गाड्या सीएसएमटीपर्यंत न जाता मधल्या स्थानकांवरच थांबवण्यात येतील.

कोणत्या गाड्यांवर परिणाम?

22120 मडगाव–मुंबई तेजस एक्स्प्रेस : 

ही गाडी 26 एप्रिल ते 17 मे दरम्यान दादर रेल्वे स्थानकापर्यंतच धावेल. पुढील प्रवासासाठी प्रवाशांना लोकल किंवा इतर वाहतुकीचा वापर करावा लागेल.

12134 मंगळूरु–मुंबई एक्स्प्रेस :

ही गाडी 26 एप्रिल ते 18 मे दरम्यान ठाणे रेल्वे स्थानक येथेच थांबवण्यात येईल. पुढील प्रवासासाठी पर्यायी व्यवस्था करावी लागेल.

प्रवाशांना सूचना; नियोजन आवश्यक

या बदलांमुळे प्रवाशांच्या वेळापत्रकावर परिणाम होण्याची शक्यता आहे. काही गाड्यांच्या वेळा आणि मार्गातही बदल करण्यात आले आहेत. त्यामुळे प्रवासापूर्वी अधिकृत रेल्वे संकेतस्थळ किंवा अ‍ॅपवरून माहिती तपासणे गरजेचे आहे.