Mumbai Local: नवी मुंबईकरांसाठी खुशखबर!, सीवूड्स-बेलापूर-उरण मार्गावर 20 नव्या फेऱ्या; नवं वेळापत्रक कधी लागू होणार?

Mumbai Local Update: नवी मुंबईतील वाढती लोकसंख्या आणि प्रवाशांची मागणी लक्षात घेऊन रेल्वेने सीवूड्स-बेलापूर-उरण मार्गावर 20 नव्या लोकल फेऱ्या सुरू करण्याचा निर्णय घेतला आहे. या निर्णयामुळे एकूण फेऱ्यांची संख्या 40 वरून 60 वर पोहोचणार आहे.

नवी मुंबईकरांसाठी रेल्वेकडून मोठा दिलासादायक निर्णय

Mumbai Local Update: नवी मुंबईकरांसाठी रेल्वेकडून मोठा दिलासादायक निर्णय घेण्यात आला आहे. वाढती लोकसंख्या आणि प्रवाशांच्या मागणीनुसार सीवूड्स दारवे–बेलापूर–उरण मार्गावर लोकलच्या तब्बल 20 नव्या फेऱ्या सुरू होणार आहेत. या नव्या सुविधेमुळे प्रवाशांचा रोजचा प्रवास अधिक वेळेत, सोयीस्कर आणि थांबण्याचा त्रास कमी करणारा ठरणार आहे. 

सध्याची अडचण

आजघडीला या मार्गावर लोकल सेवा मर्यादित आहे.

गर्दीच्या वेळेत गाड्या तासाभराच्या अंतराने धावत होत्या

इतर वेळेत या लोकल गाड्या दीड तासांच्या अंतराने उपलब्ध होत्या

ही परिस्थिती बदलण्यासाठी रेल्वे प्रशासनाने पुढाकार घेतला आहे. 

काय बदलणार?

ऑक्टोबरपासून लागू होणाऱ्या नवीन वेळापत्रकानुसार

10 अप आणि 10 डाउन मिळून 20 नव्या गाड्या धावणार

यामुळे फेऱ्यांची एकूण संख्या 40 वरून थेट 60 वर पोहोचणार

प्रवाशांना कमी प्रतीक्षा आणि जास्त गाड्यांची सोय उपलब्ध होणार 

भविष्यातील तयारी

रेल्वे प्रशासनाचा अंदाज आहे की उरण मार्गावर प्रवाशांची संख्या आणखी वाढेल.

नवी मुंबई आंतरराष्ट्रीय विमानतळ कामाच्या अंतिम टप्प्यात आहे

विमानतळालगत उभारलेलं तारघर स्थानक सुरू झाल्यानंतर प्रवाशांचा ओघ मोठ्या प्रमाणात वाढणार

त्यामुळे टप्प्याटप्प्याने आणखी गाड्या सुरू करण्याचाही विचार केला जात आहे 

प्रवाशांना थेट फायदा

या अतिरिक्त फेऱ्यांमुळे प्रवास

अधिक वेळेवर

अधिक सोप्पा आणि जलद

तसेच कमी प्रतीक्षेचा होणार आहे

यामुळे नवी मुंबईकरांच्या दैनंदिन प्रवासाचा मोठा ताण हलका होणार आहे.