BMC Lottery 2025: मुंबईत स्वस्तात घर मिळवायचंय?, जाणून घ्या अर्जाची संपूर्ण प्रक्रिया स्टेप बाय स्टेप

BMC Lottery 2025: मुंबई महानगरपालिकेने अत्यल्प, अल्प उत्पन्न गटासाठी 46 परवडणाऱ्या घरांची लॉटरी जाहीर केली. या घरांसाठी ऑनलाइन अर्ज प्रक्रिया 16 ऑक्टोबर 2025 पासून सुरू होणार असून, ही लॉटरी मुंबईत स्वतःच्या घराचे स्वप्न पाहणाऱ्यांसाठी सुवर्णसंधी आहे.

मुंबईत स्वप्नातील घर मिळवण्याची सुवर्णसंधी!

मुंबई: मुंबईत स्वतःचं घर घेण्याचं स्वप्न पाहणाऱ्या नागरिकांसाठी आनंदाची बातमी! मुंबई महानगरपालिकेकडून अत्यल्प आणि अल्प उत्पन्न गटासाठी 46 परवडणाऱ्या घरांची लॉटरी जाहीर करण्यात आली आहे. या घरांसाठी अर्ज करण्याची प्रक्रिया 16 ऑक्टोबर 2025 पासून सुरू होणार असून, ही एक सुवर्णसंधी ठरणार आहे. 

घरासाठी अर्ज कधी कराल?

अर्ज प्रक्रिया सुरू: 16 ऑक्टोबर 2025 सकाळी 10 वाजल्यापासून

अर्ज करण्याची अंतिम तारीख: 14 नोव्हेंबर 2025 सायंकाळी 5 वाजेपर्यंत

अर्जादरम्यान भरायची रक्कम: अर्ज शुल्क आणि अनामत रक्कम याच दिवशी ऑनलाइन भरता येईल.

सूचना: अर्ज वेळेत पूर्ण न झाल्यास, तो अमान्य ठरवला जाईल. त्यामुळे वेळेचे काटेकोर पालन गरजेचे आहे. 

पात्रता आणि आवश्यक कागदपत्रे

सोडतीत सहभागी होण्यासाठी काही पात्रता निकष आहेत. त्यासोबतच अर्ज करताना काही महत्त्वाची कागदपत्रे तयार ठेवावी लागतील. यामध्ये ओळखपत्र, उत्पन्न प्रमाणपत्र, निवासी पुरावे यांचा समावेश होतो.

महत्त्वाच्या तारखा लक्षात ठेवा

दिनांक काय होणार?

16 ऑक्टोबर 2025 अर्ज प्रक्रिया सुरू

14 नोव्हेंबर 2025 अर्ज करण्याची शेवटची तारीख

18 नोव्हेंबर 2025 पात्र अर्जदारांची अंतिम यादी

20 नोव्हेंबर 2025 लॉटरी सोडत प्रक्रिया

21 नोव्हेंबर 2025 यशस्वी अर्जदारांची यादी प्रकाशित 

अर्ज कुठे कराल?

संपूर्ण अर्ज प्रक्रिया ऑनलाइन आहे. इच्छुकांनी खालील अधिकृत वेबसाइटवर जाऊन अर्ज करावा.

https://bmchomes.mcgm.gov.in या पोर्टलवर अर्जाची पद्धत, आवश्यक कागदपत्रांची यादी, पेमेंट प्रक्रिया आणि इतर सर्व महत्त्वाची माहिती सविस्तर दिली आहे. 

अर्ज प्रक्रियेचं स्टेप-बाय-स्टेप मार्गदर्शन

अधिकृत वेबसाइटला भेट द्या

नवीन नोंदणी करा

अर्ज फॉर्म भरून आवश्यक माहिती भरा

कागदपत्रे अपलोड करा

अर्ज शुल्क आणि अनामत रक्कम ऑनलाइन भरा

अर्ज सबमिट करा आणि त्याची पावती डाउनलोड करा 

हे लक्षात ठेवा!

मुंबईसारख्या महागड्या शहरात परवडणारे घर मिळवणे खूप मोठी संधी आहे. ही BMC लॉटरी 2025 तुम्हाला तुमच्या हक्काच्या घराचे स्वप्न साकार करण्याची जबरदस्त संधी देत आहे. त्यामुळे योग्य त्या तारखांना सर्व प्रक्रिया पूर्ण करणे अत्यंत महत्त्वाचे आहे.