BMC Election 2026 : मनसेकडून 37 उमेदवारांची पहिली यादी जाहीर

मुंबई महापालिका निवडणूक 2026 साठी मनसेने 37 उमेदवारांची पहिली यादी जाहीर केली असून, 15 जानेवारीला मतदान आणि 16 जानेवारीला निकाल लागणार आहे.

मुंबई महानगरपालिका निवडणूक 2026 साठी (Mumbai Municipal Corporation Election 2026) राज ठाकरे यांच्या नेतृत्वाखालील महाराष्ट्र नवनिर्माण सेनेने (MNS) उमेदवार निवड प्रक्रियेला गती दिली आहे. मनसेकडून आतापर्यंत 37 इच्छुक उमेदवारांचे अर्ज स्वीकारण्यात आले असून, यामध्ये यशवंत किल्लेदार यांच्यासह कस्तुरी रोहेकर, शैलेंद्र मोरे, बबन महाडिक, मुकेश भालेराव यांसारख्या कार्यकर्त्यांना संधी देण्यात आली आहे. आगामी निवडणुकीसाठी मनसेने मुंबईत संघटनात्मक बांधणीवर भर दिल्याचे चित्र आहे.

मुंबईसह राज्यातील महापालिकांसाठी 15 जानेवारीला मतदान

राज्यभरातील महापालिकांसाठी 15 जानेवारी 2026 रोजी मतदान होणार असून, 16 जानेवारी 2026 रोजी मतमोजणी होणार आहे. मुंबई महापालिका निवडणूक ही राज्यातील सर्वात मोठी आणि प्रतिष्ठेची निवडणूक मानली जाते. त्यामुळे सर्वच राजकीय पक्षांनी तयारीला वेग दिला आहे. मनसेने उमेदवारांच्या नावांची घोषणा करून निवडणुकीच्या मैदानात उतरण्याचे संकेत दिले आहेत.

मुंबई महापालिकेसाठी मनसेच्या उमेदवारांची यादी

मनसेने जाहीर केलेल्या उमेदवारांमध्ये विविध प्रभागांचा समावेश आहे. वार्ड क्रमांक 8 मधून कस्तुरी रोहेकर, वॉर्ड 10 मधून विजय कृष्णा पाटील, वॉर्ड 11 मधून कविता बागुल माने, वॉर्ड 55 मधून शैलेंद्र मोरे, वॉर्ड 192 मधून यशवंत किल्लेदार, वॉर्ड 214 मधून मुकेश भालेराव तर वॉर्ड 226 मधून बबन महाडिक यांना उमेदवारी देण्यात आली आहे. याशिवाय महिला, तरुण आणि स्थानिक कार्यकर्त्यांना मोठ्या प्रमाणात संधी देण्यात आल्याचे या यादीतून दिसते.

मुंबई महापालिका निवडणूक 2026 चा संपूर्ण कार्यक्रम

निवडणूक आयोगाने जाहीर केलेल्या कार्यक्रमानुसार 23 डिसेंबर ते 30 डिसेंबर दरम्यान नामनिर्देशन प्रक्रिया पार पडणार आहे. 31 डिसेंबर रोजी नामनिर्देशन पत्रांची छाननी होईल. 2 जानेवारी 2026 पर्यंत उमेदवारांना अर्ज मागे घेता येणार असून, 3 जानेवारी रोजी अंतिम उमेदवार यादी आणि निवडणूक चिन्ह जाहीर होणार आहेत. 15 जानेवारीला मतदान आणि 16 जानेवारीला निकाल जाहीर केला जाईल.

2017 च्या निवडणुकीतील पक्षीय बलाबल

2017 च्या मुंबई महापालिका निवडणुकीत एकूण 227 नगरसेवक निवडून आले होते. त्यामध्ये शिवसेना 84, भाजप 82, काँग्रेस 31, राष्ट्रवादी काँग्रेस 9, मनसे 7, समाजवादी पक्ष 6, एमआयएम 2 आणि अपक्ष 5 नगरसेवक निवडून आले होते. यंदाच्या निवडणुकीत मनसे आपली ताकद वाढवण्यासाठी रणनीती आखत असल्याचे स्पष्ट होत आहे.

मनसेची पहिली यादी 

1. वार्ड क्र. ८ - कस्तुरी रोहेकर

2. वॉर्ड क्र. १० – विजय कृष्णा पाटील

3. वॉर्ड क्र. ११ – कविता बागुल माने

4. वॉर्ड क्र. १८ – सदिच्छा मोरे

5. वॉर्ड क्र. २० – दिनेश साळवी

6. वॉर्ड क्र. २१ – सोनाली देव मिश्रा

7. वॉर्ड क्र. २७ – आशा विष्णू चांदर

8. वॉर्ड क्र. ३८ – सुरेखा परब लोके

9. वॉर्ड क्र. ५५ – शैलेंद्र मोरे

10. वॉर्ड क्र. ५८ – वीरेंद्र जाधव

11. वॉर्ड क्र. ६७ – कुशल सुरेश धुरी

12. वॉर्ड क्र. ६८ – संदेश देसाई

13. वॉर्ड क्र. ८१ – शबनम शेख

14. वॉर्ड क्र. ८४ – रूपाली दळवी

15. वॉर्ड क्र. ९८ – दिप्ती काते

16. वॉर्ड क्र. १०२ – अनंत हजारे

17. वॉर्ड क्र. १०६ – सत्यवान दळवी

18. वॉर्ड क्र. ११० – हरीनाक्षी मोहन चिराथ

19. वॉर्ड क्र. ११५ – ज्योती अनिल राजभोज

20. वॉर्ड क्र. १२९ – विजया गिते

21. वॉर्ड क्र. १३३ – भाग्यश्री अविनाश जाधव

22. वॉर्ड क्र. १३९ – शिरोमणी येशू जगली

23. वॉर्ड क्र. १४३ – प्रांजल राणे

24. वॉर्ड क्र. १५० – सविता माऊली थोरवे

25. वॉर्ड क्र. १५२ – सुधांशू दुनबळे

26. वॉर्ड क्र. १८३ – पारूबाई कटके

27. वॉर्ड क्र. १९२ – यशवंत किल्लेदार

28. वॉर्ड क्र. १९७ – रचना साळवी

29. वॉर्ड क्र. २०५ – सुप्रिया दळवी

30. वॉर्ड क्र. २०७ – शलाका आरयन

31. वॉर्ड क्र. २०९ – हसीना महिमकर

32. वॉर्ड क्र. २१४ – मुकेश भालेराव

33. वॉर्ड क्र. २१७ – निलेश शिरधनकर

34. वॉर्ड क्र. २२६ – बबन महाडिक

35. वार्ड क्र. ३६ - प्रशांत महाडिक

36. वार्ड क्र. २१६ - राजश्री नागरे

37. वार्ड क्र. २२३ - प्रशांत गांधी