उद्धव ठाकरेंचा आजपासून विदर्भ दौरा, फुटीर खासदार संजय देशमुखांच्या मतदारसंघात पहिली सभा
सार
उबाठामध्ये सहा खासदार फुटल्याने उद्धव ठाकरेंच्या पक्षात मोठा भूकंप झालाय. याच पार्श्वभूमीवर उद्धव ठाकरे आजपासून विदर्भ दौऱ्यावर असणार आहे. या दौऱ्यावेळी उद्धव ठाकरे सहा फुटीर खासदारांच्या मतदारसंघात सभा घेणार आहेत.
Mumbai : उद्धव ठाकरे आजपासून विदर्भाच्या दौऱ्यावर अशणार आहे. काल रात्रीच उद्धव ठाकरे नागपूरात दाखल झाले आहेत. त्यांच्यासोबत आदित्य ठाकरे, संजय राऊत यांच्यासह पक्षातील नेतेमंडळी देखील आहेत. या दौऱ्यादरम्यान, उद्धव ठाकरे त्यांच्या उबाठामधून फुटलेल्या सहा खासदरांच्या मतदारसंघात सभा घेणार आहेत. याची सुरुवात यवतमाळपासून करणार आहे.
यवतमाळमध्ये पहिली सभा
उद्धव ठाकरे त्यांच्या उबाठामधून बाहेर पडलेल्या खासदार संजय देशमुखांच्या मतदारसंघात पहिली सभा घेणार आहे. ही सभा यवतमाळ येथे आयोजित करण्यात आली आहे. संजय देशमुखांसारखा जनतेने निवडून दिलेला खासदार फुटल्याने उद्धव ठाकरे तेथील जनतेची माफीही मागणार असल्याचे बोलले जात आहे.या दौऱ्यावेळी उद्धव ठाकरे यवतमाळ, वाशिम, हिंगोलीत सभा घेणार आहेत.
हिंगोलीत दुसरी सभा
यवतमाळमधील कार्यकर्त्यांना संबोधित केल्यानंतर हिंगोलीत दुसरी सभा घेणार आहेत. खासदार नागेश पाटील अष्टीकर यांच्या मतदारसंघात सभा घेतील. यावेळी मदतरासंघातील कार्यकर्त्यांना उद्धव ठाकरे मार्गदर्शन करणार आहेत. यामुळे उद्धव ठाकरे बंडखोर खासदारांचा कसा समाचार घेणार याकडे सर्वांचे लक्ष लागून राहिले आहे.
आता पलटवार होणार,
फितूरांच्या फितूरीला उत्तर देणार ,
निष्ठेची ताकद पुन्हा दाखवणार!
शिवसेना पक्षप्रमुख मा. श्री. उद्धवसाहेब ठाकरे ह्यांचा दौरा!
दिनांक: २७, २८, २९ जून २०२६
यवतमाळ, वाशिम, हिंगोली, परभणी शहर, धाराशिव शहर, शिर्डी pic.twitter.com/gBl3wzZ601— ShivSena - शिवसेना Uddhav Balasaheb Thackeray (@ShivSenaUBT_) June 26, 2026
उद्धव ठाकरे आणि मुख्यमंत्री फडणवीसांचा एकत्रित प्रवास
उद्धव ठाकरे आणि मुख्यमंत्री देवेंद्र फडणवीस यांनी एकत्रित विमानाने प्रवास केल्याने राजकीय वर्तुळात चर्चा रंगण्यास सुरुवात झाली. या दोघांच्या प्रवासावर अनेक तर्कवितर्क लावले गेले. मात्र ही एक औपचारिक भेट असण्यासह केवळ योगायोग असू शकतो असे सांगितले जातेय.