Tamhini Ghat Accident : ताम्हिणी घाटात भीषण अपघात; नियंत्रण सुटलेल्या थार कारचा दरीत कोसळून 4 जणांचा मृत्यू

Tamhini Ghat Accident : ताम्हिणी घाटात थार गाडी दरीत कोसळून झालेल्या अपघातात चार जणांचा मृत्यू झाला. चालकाचे नियंत्रण सुटल्याने ही दुर्घटना घडल्याचा प्राथमिक अंदाज वर्तवला जात आहे. 

Tamhini Ghat Accident : पुणे-माणगाव मार्गावरील ताम्हिणी घाटात मोठी दुर्घटना घडली आहे. वळणावर चालकाचे नियंत्रण सुटल्याने थार गाडी तब्बल दरीत कोसळली आणि या भीषण अपघातात चार जणांचा जागीच मृत्यू झाला. अपघाताची माहिती मिळताच पोलीस आणि रेस्क्यू पथक घटनास्थळी दाखल झाले असून प्रवाशांचा शोध ड्रोनच्या मदतीने सुरू आहे.

ताम्हिणी घाटात थार दरीत कोसळली

ताम्हिणी घाट परिसरात रविवारी सकाळी अचानक मोठा अपघात झाल्याचे समोर आले. वाहन वळणावरून पुढे जात असताना चालकाचा अंदाज चुकला आणि थार कार थेट खोल दरीत कोसळली. दरीची खोली मोठी असल्यामुळे गाडीचे गंभीर नुकसान झाले असून मृत्यू तात्काळ झाल्याची शक्यता व्यक्त केली जात आहे.

नियंत्रण सुटल्याने मोठी दुर्घटना

प्राथमिक माहितीनुसार, वाहने वळणावरून सहज मार्गक्रमण करणे कठीण असल्याने चालकाचे गाडीवरील नियंत्रण सुटले. ताम्हिणी घाट हा निसरडा व वळणदार मार्ग म्हणून ओळखला जातो. त्यामुळे ओव्हरस्पीड, कमी अंदाज किंवा अचानक वळण यामुळे अपघाताचे प्रमाण येथे जास्त दिसून येते. या अपघातात चौघांचा मृत्यू झाल्याची पुष्टी अधिकाऱ्यांनी दिली आहे.

पोलिसांचे निवेदन

या घटनेबाबत माणगाव पोलीस ठाण्याचे पोलीस निरीक्षक निवृत्ती बोराडे यांनी सांगितले की, “अपघात नेमका कसा घडला याची स्पष्ट माहिती अद्याप नाही. परंतु प्रथमदर्शनी पाहता चालकाचे नियंत्रण सुटल्याने गाडी दरीत कोसळली असावी.” त्यांनी पुढे सांगितले की, ड्रोनच्या माध्यमातून रेस्क्यू ऑपरेशन सुरू आहे आणि आतापर्यंत 4 मृतदेह दिसले आहेत. पथक त्यांना बाहेर काढण्याच्या कामात गुंतले आहे.

रेस्क्यू ऑपरेशन सुरूच

दरी खोल आणि जंगलाळ असल्याने रेस्क्यू पथकाला मोठ्या अडचणींना सामोरे जावे लागत आहे. ड्रोनच्या मदतीने परिसर स्कॅन केला जात असून आणखी कुणी प्रवासी असल्याची शक्यता तपासली जात आहे. मृतदेह वर आणण्याचे काम युद्धपातळीवर सुरू आहे.