Lonavala Traffic Alert : लोणावळ्यात पर्यटकांचा 'महापूर'! पुणे-मुंबई एक्सप्रेसवेवर वाहनांच्या लांबच लांब रांगा; पोलिसांनी घेतला 'हा' मोठा निर्णय
सार
Lonavala Traffic Alert : नवीन वर्षाच्या स्वागतासाठी लोणावळा-खंडाळ्यात पर्यटकांची प्रचंड गर्दी झाली असून, मुंबई-पुणे महामार्गावर मोठी वाहतूक कोंडी निर्माण झाली आहे. परिस्थिती हाताळण्यासाठी पोलिसांनी वाहतुकीत बदल केले आहेत.
लोणावळा : सरत्या वर्षाला निरोप आणि नवीन वर्षाच्या स्वागतासाठी पर्यटकांची पहिली पसंती असलेल्या लोणावळा-खंडाळ्यात जनसागर उसळला आहे. नाताळ आणि सलग सुट्ट्यांमुळे गुरुवारपासूनच पर्यटकांनी लोणावळ्याची वाट धरली असून, मुंबई-पुणे राष्ट्रीय महामार्गावर प्रचंड वाहतूक कोंडी निर्माण झाली आहे. या पार्श्वभूमीवर परिस्थिती हाताळण्यासाठी महामार्ग पोलिसांनी वाहतुकीत मोठे बदल केले आहेत.
वाहतुकीत काय झालेत बदल?
वाहतुकीचा खोळंबा टाळण्यासाठी पोलिसांनी तातडीने खालील पावले उचलली आहेत.
अवजड वाहनांना 'नो एन्ट्री': महामार्गावरील अवजड वाहनांच्या वाहतुकीवर तात्पुरती बंदी घालण्यात आली आहे.
एकमीर्गी वाहतूक (One Way): शहरातील काही महत्त्वाच्या आणि गर्दीच्या ठिकाणी 'वन वे' वाहतूक लागू करण्यात आली आहे.
पोलिस बंदोबस्त: वाढती गर्दी पाहता पोलिसांनी अतिरिक्त कुमक तैनात केली असून परिस्थितीवर नियंत्रण मिळवण्यासाठी मोठी कसरत करावी लागत आहे.
हॉटेल्स 'हाऊसफुल्ल', पर्यटनस्थळे फुलली!
यंदा देश-परदेशातील पर्यटकांनी हजेरी लावल्याने लोणावळ्यातील नामांकित हॉटेल्स, रिसॉर्ट्स आणि खाजगी बंगले आधीच 'हाऊसफुल्ल' झाले आहेत.
प्रमुख गर्दीची ठिकाणे: भुशी धरण, टायगर पॉइंट, राजमाची गार्डन, ड्युक्स नोज आणि कार्ला-भाजे लेणी या भागात पर्यटकांची पाय ठेवायलाही जागा उरलेली नाही.
विशेष मेजवानी: ३१ डिसेंबरच्या रात्रीसाठी ठिकठिकाणी सांस्कृतिक कार्यक्रम आणि पार्ट्यांचे नियोजन करण्यात आले आहे.
हुल्लडबाजांना पोलिसांचा इशारा!
थर्टी फर्स्टच्या सेलिब्रेशनमध्ये कायदा आणि सुव्यवस्था बिघडू नये म्हणून पोलिस दल सतर्क झाले आहे.
१. मद्यप्राशन करून वाहन चालवणाऱ्यांवर (Drink and Drive) कडक कारवाई होणार.
२. सार्वजनिक ठिकाणी हुल्लडबाजी किंवा गोंधळ घालणाऱ्यांना थेट पोलिस कोठडीची हवा खावी लागेल.
३. अत्यावश्यक काम नसेल तर या मार्गावरून प्रवास टाळण्याचे आवाहन करण्यात आले आहे.
पर्यटकांसाठी टीप
जर तुम्ही लोणावळ्याला जाण्याचा विचार करत असाल, तर ट्रॅफिक अपडेट्स तपासूनच घराबाहेर पडा आणि शक्य असल्यास सार्वजनिक वाहनांचा वापर करा.