महाराष्ट्रातील पुण्यात मुठा नदीला आला महापूर, आजचे हवामान कसे असेल?

महाराष्ट्रात दक्षिण-पश्चिम मान्सूनमुळे गेल्या अनेक दिवसांपासून राज्यातील विविध जिल्ह्यांमध्ये मुसळधार पाऊस पडत आहे. मुंबईतही आज रिमझिम पाऊस पडण्याची शक्यता आहे. मुसळधार पावसानंतर खडकवासला धरणातून पाणी सोडण्यात आल्याने पुण्यातील एकता नगरसह अनेक भाग जलमय झाले आहेत. मुठा नदीला पूर आला आहे. दुसरीकडे, आज मध्य महाराष्ट्रातील घाट परिसरासह कोकणात पावसाची शक्यता हवामान खात्याने वर्तवली आहे.

हवामान विभागाने दिलेल्या माहितीनुसार, दक्षिण-पश्चिम मान्सून उत्तर मध्य महाराष्ट्र आणि उत्तर कोकणात सक्रिय आहे. मान्सूनमुळे कोकण गोवा, उत्तर मध्य महाराष्ट्रात बहुतांश ठिकाणी पाऊस अपेक्षित आहे. कोकण आणि गोवा जिल्ह्यातही काही ठिकाणी मुसळधार पावसाची शक्यता आहे. पावसाची शक्यता लक्षात घेऊन हवामान खात्याने लोकांना सतर्क राहण्यास सांगितले आहे.

मुंबईत ढग असतील

मंगळवारी दिवसभर मुंबईत ढगाळ वातावरण राहील. काही ठिकाणी रिमझिम पाऊस पडू शकतो. मुंबईत दिवसाचे कमाल तापमान २९ अंश सेल्सिअस राहण्याचा अंदाज आहे. 11 ऑगस्टपर्यंत तापमानात अंशत: चढ-उतार होण्याची शक्यता आहे.

'या' भागात जोरदार पाऊस झाला

महाराष्ट्रात 5 मे रोजी नांदेडमधील धर्माबाद येथे 3 मिमी, बिलोलीमध्ये 3 मिमी, लोहा 2 मिमी आणि उमरीमध्ये 1 मिमी पाऊस झाला. तसेच संभाजीनगर जिल्ह्यातील खुलताबाद येथे 3 मिलिलिटर, लातूर जिल्ह्यातील चाकूर येथे 2 मिलिलिटर, अहमदपूर जिल्ह्यात 1 मिलिलिटर आणि धाराशिव जिल्ह्यात 1 मिलिलिटर पावसाची नोंद झाली आहे.

एनडीआरएफ आणि स्थानिक प्रशासन सतर्क

सोमवारी खडकवासला धरणातून पाणी सोडल्यानंतर मुख्यमंत्री एकनाथ शिंदे यांनी पुण्यातील पूरग्रस्त भागाची पाहणी केली. यावेळी त्यांनी सर्वसामान्यांशी संवादही साधला. त्यानंतर मुख्यमंत्री शिंदे यांनी खडकवासला धरणाला भेट देऊन जलाशयातील पाणी सोडण्याचा आढावा घेतला. पुण्यातील पुराबाबत त्यांनी बैठकही घेतली. पुण्यात सध्या लष्कर, एनडीआरएफ आणि नागरी प्रशासनाची पथके तैनात आहेत.

पुरामुळे बाधित झालेल्या लोकांना अन्नधान्याचा पुरवठा करण्यात येत आहे. मुठा नदीत डेब्रिज आणि इतर बांधकाम साहित्य टाकणाऱ्यांवर कारवाई करण्याच्या सूचना मुख्यमंत्री एकनाथ शिंदे यांनी दिल्या आहेत.