Mumbai Weather : विदर्भात थंडीची तर मुंबईत प्रदुषणाची लाट, IMD ने दिली महत्त्वाची अपडेट

Mumbai Weather Update : देशभरातील हवामानात पुन्हा एकदा मोठे बदल होत आहेत. IMD ने अनेक राज्यांमध्ये थंडीची लाट तीव्र झाल्याने नवीन इशारा दिला आहे, तर प्रदूषण आणि अवकाळी पाऊस सुरूच आहे.

महाराष्ट्र आणि उत्तर भारतात वाढली थंडीची लाट -

भारतीय हवामान विभागाने हरियाणा, पंजाब, राजस्थान, मध्य प्रदेश, झारखंड, पश्चिम बंगाल आणि चंदीगडसह अनेक उत्तरेकडील राज्यांमध्ये थंडीच्या लाटेचा इशारा दिला आहे. या भागांतील घसरलेल्या तापमानाचा परिणाम आता महाराष्ट्रावरही होत आहे. विदर्भात थंडी वाढण्याची शक्यता असून, गोंदियात 7°C या हंगामातील सर्वात कमी तापमानाची नोंद झाली आहे. धुळे आणि नागपूरमध्येही तापमानात मोठी घट झाली आहे.

तापमानातील बदलामुळे पुणेकरांना तात्पुरता दिलासा -

बहुतेक भागांमध्ये तापमान घटत असताना, पुण्यात गेल्या तीन दिवसांत किमान तापमानात थोडी वाढ झाली होती, ज्यामुळे थंडीपासून तात्पुरता दिलासा मिळाला. मात्र, मंगळवारी किमान तापमानात एकाच दिवसात जवळपास तीन अंशांनी घट झाली. IMD च्या अंदाजानुसार, पुढील तीन दिवस हवामान स्थिर राहण्याची शक्यता आहे.

प्रदूषण आणि अवकाळी पावसाने आरोग्याची चिंता -

मुंबईसारख्या मोठ्या शहरांमध्ये वायू प्रदूषणाची पातळी वाढली आहे, ज्यामुळे हवेची गुणवत्ता धोकादायक बनली आहे. प्रशासकीय प्रयत्नांनंतरही प्रदूषण वाढतच आहे. दुसरीकडे, दक्षिणेकडील राज्यांमध्ये वेगळेच आव्हान आहे. IMD ने 8 आणि 9 जानेवारीला तामिळनाडूमध्ये हलक्या पावसाचा अंदाज वर्तवला आहे, तर 9 आणि 10 जानेवारीला तामिळनाडू आणि केरळमध्ये मुसळधार पावसाची शक्यता आहे.