Maharashtra Rain Alert: महाराष्ट्रावर पुन्हा अस्मानी संकट! सोमवारी 22 जिल्ह्यांना वादळी पावसाचा इशारा, IMD कडून येलो अलर्ट जारी

Maharashtra Rain Alert: हवामान विभागाने (IMD) महाराष्ट्रातील 22 जिल्ह्यांसाठी येलो अलर्ट जारी केला. सोमवार, 27 ऑक्टोबरला कोकण, मध्य महाराष्ट्र, मराठवाडा, विदर्भात वादळी वाऱ्यासह पावसाची शक्यता वर्तवली. 

सोमवारी 22 जिल्ह्यांना वादळी पावसाचा इशारा

मुंबई: राज्यातील हवामान पुन्हा एकदा अस्थिर झाले आहे. गेल्या काही दिवसांपासून अवकाळी पावसाने हजेरी लावल्यानंतर आता पुन्हा वादळी पावसाचे अस्मानी संकट ओढवण्याची शक्यता हवामान खात्याने वर्तवली आहे. भारतीय हवामान विभागाने (IMD) 22 जिल्ह्यांसाठी येलो अलर्ट जारी केला आहे. 27 ऑक्टोबर (सोमवार) रोजी कोकण, मध्य महाराष्ट्र, मराठवाडा आणि विदर्भातील काही भागांत वादळी वाऱ्यासह पावसाची शक्यता व्यक्त करण्यात आली आहे. 

कोकणात मुसळधार पावसाचा अंदाज

कोकण किनारपट्टीवर पुन्हा एकदा पावसाचे जोरदार आगमन होणार आहे. पालघर, ठाणे, मुंबई आणि रायगड येथे विजांचा कडकडाट, वादळी वारे आणि हलक्या ते मध्यम स्वरूपाचा पाऊस पडण्याची शक्यता आहे. रत्नागिरी आणि सिंधुदुर्ग जिल्ह्यांत मात्र मुसळधार पाऊस आणि वीजांसह वादळाचा इशारा दिला आहे. या सर्व जिल्ह्यांना IMD ने येलो अलर्ट जारी केला आहे. 

मराठवाड्यातही पावसाची शक्यता

छत्रपती संभाजीनगर, बीड, लातूर, नांदेड आणि धाराशिव या जिल्ह्यांत वीजांच्या कडकडाटासह हलका ते मध्यम पाऊस पडेल, असा अंदाज आहे. तर जालना, परभणी आणि हिंगोली जिल्ह्यांत पावसाची शक्यता वर्तवली गेली आहे. या सर्व जिल्ह्यांना हवामान खात्याने येलो अलर्ट दिला आहे. 

उत्तर महाराष्ट्रात ढगाळ वातावरण, वादळी वारे

धुळे, नंदुरबार, नाशिक, नाशिक घाटमाथा आणि अहमदनगर जिल्ह्यांत विजांचा कडकडाट आणि वादळी वाऱ्यासह हलका पाऊस पडेल. जळगाव जिल्ह्यांतही अधूनमधून पावसाची शक्यता आहे. 

विदर्भात काही भागांत पावसाची शक्यता

अकोला, अमरावती, भंडारा, बुलढाणा, गोंदिया, नागपूर, वर्धा आणि वाशिम जिल्ह्यांत हवामान मुख्यत्वे कोरडे राहण्याचा अंदाज आहे. मात्र चंद्रपूर, गडचिरोली आणि यवतमाळ जिल्ह्यांत वादळी वाऱ्यासह पावसाचा इशारा देण्यात आला आहे. या तिन्ही जिल्ह्यांना येलो अलर्ट जारी करण्यात आला आहे. 

IMD चं आवाहन, नागरिकांनी घ्यावी काळजी

राज्यात अनेक भागांत 27 ऑक्टोबर रोजी वादळी पाऊस, विजा आणि वारे यांचा जोर अपेक्षित असल्याने नागरिकांना सतर्क राहण्याचे आवाहन करण्यात आले आहे.

विजांचा कडकडाट होत असताना उघड्यावर जाणे टाळावे.

पावसाळी हवामानात सुरक्षित ठिकाणी आसरा घ्यावा.

शेतकऱ्यांनी पिकांचे संरक्षण करण्यासाठी आवश्यक खबरदारी घ्यावी. 

IMD चं आवाहन, नागरिकांनी घ्यावी काळजी

राज्यात अनेक भागांत 27 ऑक्टोबर रोजी वादळी पाऊस, विजा आणि वारे यांचा जोर अपेक्षित असल्याने नागरिकांना सतर्क राहण्याचे आवाहन करण्यात आले आहे.

विजांचा कडकडाट होत असताना उघड्यावर जाणे टाळावे.

पावसाळी हवामानात सुरक्षित ठिकाणी आसरा घ्यावा.

शेतकऱ्यांनी पिकांचे संरक्षण करण्यासाठी आवश्यक खबरदारी घ्यावी. 

महाराष्ट्रात पुन्हा एकदा वादळी पावसाची हजेरी अपेक्षित असून, 22 जिल्ह्यांना IMD कडून येलो अलर्ट जारी करण्यात आला आहे. कोकण ते मराठवाड्यापर्यंत हवामान अस्थिर राहणार असल्याने पुढील काही दिवस नागरिकांनी आणि शेतकऱ्यांनी सतर्क राहणे अत्यावश्यक आहे.