कमी सिबिल स्कोअरमुळे मोडली लग्नगाठ

अलिकडच्या काळात वैवाहिक संबंध जुळवण्यासाठी कारणीभूत ठरणाऱ्या घटकांमध्ये मोठे बदल झाले आहेत. मुलगा नोकरी करतो का? सरकारी नोकरी आहे का? चांगले बँक बॅलन्स, मालमत्ता आहे का हे पाहिले जाते. काही जण मुलाचे स्वभाव, गुण पाहतात. पण, इथे एका मुलीच्या घरच्यांनी लग्न करायचा असलेल्या वराचा बँक क्रेडिट हिस्ट्री नीट नसल्याने, सिबिल स्कोअर चांगला नसल्याने लग्न मोडले आहे.

होय, आता लग्न करणाऱ्या वधू-वराच्या घरचे कोणत्या कारणास्तव मुलाला लग्न लावून देतात हे पाहण्याची वेळ आली आहे. आता लग्न व्हायचे असेल तर थोडा घाम गाळावा लागेल. महाराष्ट्रात घडलेल्या या घटनेत, वधूच्या कुटुंबाने लग्न नको म्हणून निर्णय घेतला, त्याचे कारण ऐकून तुम्हाला आश्चर्य वाटेल. वराचा सिबिल स्कोअर कमी आहे म्हणून वधूच्या घरच्यांनी लग्नाला नकार दिला हे ऐकून हसूही येईल. पण, ही खरी घटना आहे.

महाराष्ट्रातील मूर्तिजापूर येथे ही घटना घडली असल्याचे टाइम्स ऑफ इंडियाने वृत्त दिले आहे. वधू-वर आणि त्यांचे कुटुंब एकमेकांना पसंत करून लग्न जवळपास निश्चित झाल्यानंतर, वधूच्या एका मामाने वराचा सिबिल स्कोअर तपासायला सांगितला. मग सगळे बदलून गेले.

वराचा सिबिल स्कोअर खूप कमी होता, एवढेच नाही तर त्याच्या नावावर विविध बँकांकडून अनेक कर्जे होती हे समजले. कमी सिबिल स्कोअर म्हणजे खराब क्रेडिट हिस्ट्री. त्यामुळे वर आर्थिकदृष्ट्या स्थिर नाही असा निष्कर्ष वधूच्या घरच्यांनी काढला आणि लग्नाला नकार दिला, असे वृत्तात म्हटले आहे.

लग्नाला पूर्णपणे विरोध करणाऱ्या वधूच्या मामाने, आर्थिक अडचणीत असलेला पुरुष आपल्या भाचीसाठी योग्य नाही, असे मत व्यक्त केले. भविष्यात पत्नीला आर्थिक सुरक्षा देण्यास तो असमर्थ असेल, असा त्यांचा युक्तिवाद होता. त्यामुळे तरुणीच्या कुटुंबातील इतर सदस्यांनीही त्या मताला सहमती दर्शवून लग्नाला नकार दिला. कदाचित कमी सिबिल स्कोअरमुळे एखाद्याचे लग्न मोडल्याची ही पहिलीच वेळ असेल.