Konkan Railway Special Train: कोकण रेल्वे मार्गावर धावणार 'स्पेशल' ट्रेन! पनवेलसह 'या' महत्त्वाच्या स्थानकांवर थांबा; प्रवाशांची गर्दी होणार कमी

Konkan Railway Special Train: प्रवाशांची गर्दी कमी करण्यासाठी, दक्षिण रेल्वेने एर्नाकुलम ते अंबाला कॅन्ट दरम्यान कोकण रेल्वे मार्गावरून एक विशेष 'वन-वे' ट्रेन सुरू केली. ही गाडी पनवेल स्थानकावर थांबणार असल्याने नवी मुंबईतील प्रवाशांना दिलासा मिळणारय.

कोकण रेल्वे मार्गावर धावणार 'स्पेशल' ट्रेन!

नवी मुंबई: कोकण रेल्वे मार्गावरून प्रवास करणाऱ्या प्रवाशांसाठी एक आनंदाची बातमी आहे. दक्षिण रेल्वेने प्रवाशांची वाढती गर्दी लक्षात घेता एर्नाकुलम ते अंबाला कॅन्ट दरम्यान एक विशेष 'वन-वे' रेल्वे चालवण्याचा महत्त्वपूर्ण निर्णय घेतला आहे. ही गाडी कोकणमार्गे धावणार असल्याने कोकणात जाणाऱ्या आणि उत्तरेकडे प्रवास करणाऱ्या प्रवाशांना मोठा दिलासा मिळणार आहे. 

पनवेलकरांसाठी आनंदाची बातमी!

या विशेष रेल्वेचे सर्वात मोठे वैशिष्ट्य म्हणजे ही गाडी मुंबईजवळील पनवेल स्थानकावर थांबणार आहे. यामुळे नवी मुंबई आणि आसपासच्या परिसरातील चाकरमान्यांना या गाडीचा थेट लाभ घेता येईल. 

काय आहे वेळापत्रक? (गाडी क्र. 06074)

रेल्वे प्रशासनाने दिलेल्या माहितीनुसार, या विशेष गाडीचे नियोजन खालीलप्रमाणे आहे.

गाडीचा मार्ग: एर्नाकुलम जंक्शन ते अंबाला कॅन्ट जंक्शन (कोकण रेल्वे मार्गे).

प्रस्थान: ही गाडी बुधवारी (११ मार्च) सकाळी ९:५० वाजता एर्नाकुलम येथून रवाना झाली आहे.

आगमन: केरळ ते उत्तर भारत असा लांबचा पल्ला गाठून ही रेल्वे तिसऱ्या दिवशी सकाळी ११:२५ वाजता अंबाला कॅन्ट जंक्शनला पोहोचेल. 

प्रवाशांसाठी विशेष सोय

सुट्ट्यांचा हंगाम आणि सण-उत्सवांच्या काळात रेल्वे गाड्यांना प्रचंड गर्दी असते. अशा वेळी दक्षिण रेल्वेने घेतलेला हा निर्णय प्रवाशांचा प्रवास सुखकर करण्यासाठी अत्यंत मोलाचा ठरणार आहे. विशेषतः कोकण किनारपट्टीच्या मार्गावरून जाणारी ही गाडी दक्षिण आणि उत्तर भारताला जोडणारा एक महत्त्वाचा दुवा ठरेल.