पुष्पकला आग लागल्याची अफवा अनेकांनी उड्या मारल्या, दुसऱ्या ट्रेनने चिरडून 11 ठार

जळगावच्या परंडा स्थानकाजवळ पुष्पक एक्स्प्रेसमध्ये आग लागल्याच्या अफवेमुळे प्रवाशांनी चालत्या ट्रेनमधून उड्या मारल्या. यानंतर कर्नाटक एक्स्प्रेसची धडक बसून 8-10 प्रवाशांचा मृत्यू झाला.

महाराष्ट्रातील जळगावच्या परंडा स्थानकाजवळ भीषण रेल्वे अपघात झाला आहे. येथे पुष्पक एक्स्प्रेसमध्ये आग लागल्याची अफवा पसरली आणि लोकांनी चालत्या ट्रेनमधून उड्या मारायला सुरुवात केली. यावेळी कोणीतरी साखळी ओढून ट्रेन थांबवली. यानंतर मोठ्या संख्येने लोक ट्रेनमधून खाली उतरले. हायस्पीड कर्नाटक एक्स्प्रेस आली तेव्हा बाजूच्या रुळावर काही लोक बसले होते. यामुळे अनेक लोक चिरडले गेले. या अपघातात 11 जणांचा मृत्यू झाल्याची माहिती आहे. तर 8 जण गंभीर जखमी झाले आहेत.

पाहा हृदय पिळवटून टाकणारे फोटो

प्राथमिक माहितीनुसार, पुष्पक एक्स्प्रेसमध्ये आग लागल्याची अफवा होती. त्यामुळे प्रवाशांमध्ये घबराट निर्माण झाली. अनेकांनी चालत्या ट्रेनमधून उड्या मारल्या. दरम्यान, काही प्रवाशांनी आपत्कालीन साखळी ओढली. ट्रेन थांबल्यावर बरेच लोक उतरले. अनेक प्रवासी बाजूच्या रुळांवर गेले. दरम्यान, विरुद्ध दिशेने आलेल्या कर्नाटक एक्स्प्रेसने त्यांना चिरडले.

आणखी वाचा :