Electric Boat: भारतात पहिल्यांदाच उडणाऱ्या इलेक्ट्रिक बोटीची ट्रायल, महाराष्ट्रात पाहायला मिळाला थरार

vivek panmand   | CMS
Published : Nov 22, 2026, 04:00 PM IST
boat

सार

महाराष्ट्रात स्वीडनवरून आणलेल्या 'कँडेला पी-१२' (Candela P-12) या भारतातील पहिल्या पूर्णपणे इलेक्ट्रिक हायड्रोफॉईल बोटीची चाचणी सुरू आहे. पाण्याखालील पंखांचा वापर करून ही बोट पाण्यावर उडते, ज्यामुळे वेग वाढतो आणि प्रवास शांत व प्रदूषणमुक्त होतो.

भारतात जलवाहतुकीच्या नव्या संधी शोधल्या जात आहेत. महाराष्ट्रात स्वीडनवरून आयात केलेल्या 'कँडेला पी-१२' या देशातील पहिल्या पूर्णपणे इलेक्ट्रिक हायड्रोफॉईल बोटीची सध्या चाचणी सुरू आहे. या बोटीच्या हटके डिझाईनने सर्वांचं लक्ष वेधून घेतलं आहे. कारण, ही बोट चक्क पाण्यावर उडते! साध्या बोटींचा तळ पाण्याखाली असतो, पण कँडेला पी-१२ ला पाण्याखालील अत्याधुनिक पंख आहेत, ज्यामुळे ती पाण्यावर तरंगत पुढे जाते. स्वच्छ आणि वेगवान जलवाहतुकीच्या दिशेने टाकलेलं हे एक महत्त्वाचं पाऊल आहे.

उडणारी इलेक्ट्रिक बोट कशी काम करते?

कँडेला पी-१२ मध्ये हायड्रोफॉइलिंग तंत्रज्ञान वापरलं आहे. या बोटीला पाण्याखालील पंख (हायड्रोफॉइल्स) असतात. बोटीचा वेग वाढला की हे पंख तिला वर उचलतात. यामुळे बोटीचा बहुतांश भाग पाण्यावर राहतो आणि पाण्याचा अडथळा कमी होतो. परिणामी, नेहमीच्या बोटींच्या तुलनेत यातून प्रवास करणं जास्त आरामदायी आणि शांत होतं. ही बोट पूर्णपणे इलेक्ट्रिक असल्यामुळे धूर किंवा प्रदूषण अजिबात होत नाही. प्रवाशांच्या वाहतुकीसाठी हा एक उत्तम पर्याय ठरू शकतो. ही बोट जेव्हा वेगात जाते, तेव्हा ती पाण्यावर उडत असल्याचा भास होतो.

महाराष्ट्रातील चाचणीमुळे नवे मार्ग खुले होणार

स्वीडिश बनावटीच्या या बोटीच्या चाचणीमुळे भारतातील इलेक्ट्रिक जलवाहतुकीच्या शक्यतेवर प्रकाश पडला आहे. सध्या रस्त्यांवर प्रचंड ट्रॅफिक आहे, अशा वेळी जलवाहतूक हा एक चांगला पर्याय ठरू शकतो. या तंत्रज्ञानामुळे भविष्यात प्रवाशांना वेगात आणि आरामात प्रवास करता येईल. इलेक्ट्रिक हायड्रोफॉईल बोटीमुळे पारंपरिक बोटींसारखा आवाज आणि प्रदूषणही होणार नाही. मात्र, ही बोट भारतीय परिस्थितीसाठी किती योग्य आहे आणि तिचा वापर किती वाढवता येईल, हे या चाचणीच्या निकालावरूनच ठरेल. जर ही चाचणी यशस्वी झाली, तर देशातील सार्वजनिक जलवाहतूक अधिक आधुनिक होईल.

PREV
Maharashtra News (महाराष्ट्र बातम्या): Read Maharashtra LIVE Updates and Latest Marathi News Today. Check महाराष्ट्र राजकीय बातम्या, महाराष्ट्र क्राईम न्यूज, महाराष्ट्र ब्रेकिंग न्यूज. Watch Maharashtra Viral News Videos, Photos, Maharashtra Weather Updates in Marathi at Asianet Marathi News.
Read more Articles on

Recommended Stories

भाजपा नेते रामराव वडकुते यांचे निधन, ८ महिन्यांपूर्वीच घेतली होती खासदारकीची शपथ
Tipu Sultan Controversy : राष्ट्रवादीच्या टिपू सुलतानवरील विधानावर शिवसेनेची टीका