Maharashtra Weather Alert: दिवाळीला वादळी पावसाचा 'सरप्राईज'! महाराष्ट्रातील 12 जिल्ह्यांना यलो अलर्ट, तुमचा जिल्हा यादीत आहे का?

Maharashtra Weather Alert: हवामान विभागाने २१ ऑक्टोबरला दिवाळीच्या दिवशी महाराष्ट्रातील अनेक जिल्ह्यांत पावसाचा अंदाज वर्तवलाय. कोकण, पश्चिम महाराष्ट्र, मराठवाडा, विदर्भात विजांच्या कडकडाटासह पावसाची शक्यता असून, काही जिल्ह्यांना यलो अलर्ट जारी केला.

दिवाळीत वादळी पावसाची शक्यता!

मुंबई: दिवाळीच्या सणावर पावसाचं सावट पडलं असून, 21 ऑक्टोबर रोजी महाराष्ट्रातील अनेक जिल्ह्यांमध्ये हलक्या ते मध्यम स्वरूपाच्या पावसाचा अंदाज हवामान विभागाने वर्तवला आहे. ऑक्टोबर हीटचा तडाखा अद्यापही कायम आहे आणि त्यातच या पावसाच्या आगमनामुळे राज्यात मिश्र वातावरण पाहायला मिळणार आहे.

Thunderstorm accompanied with lightning, light rainfall, gusty winds with speed reaching 30-40 Kmph very likely to occur at isolated places in the districts of South Konkan-Goa and South Madhya Maharashtra .

कोकण व मुंबई परिसर

मुंबई, ठाणे, पालघर – कोरडे वातावरण अपेक्षित, उकाडा कायम.

मुंबईचे तापमान: कमाल - 36°C, किमान - 25°C

रायगड, रत्नागिरी – ढगगडगडाटासह हलकासा ते मध्यम पाऊस.

सिंधुदुर्ग – विजांच्या कडकडाटासह वादळी वाऱ्यांची शक्यता; यलो अलर्ट जारी. 

पश्चिम महाराष्ट्र

पुणे, सातारा, सांगली, सोलापूर – ढगांच्या गडगडाटासह हलका ते मध्यम पाऊस.

पुण्याचे तापमान: कमाल - 31°C, किमान - 20°C

सातारा घाटमाथा, कोल्हापूर परिसर – वादळी वारे, विजांसह पाऊस; यलो अलर्ट. 

मराठवाडा

छत्रपती संभाजीनगर, जालना – कोरडे वातावरण; उष्मा कायम.

छत्रपती संभाजीनगरचे तापमान: कमाल - 32°C, किमान - 20°C

परभणी, हिंगोली, नांदेड – विजांच्या कडकडाटासह वादळी पावसाची शक्यता; यलो अलर्ट.

बीड, लातूर, धाराशिव – हलक्यापासून मध्यम स्वरूपाचा पाऊस. 

उत्तर महाराष्ट्र

नाशिक, धुळे, नंदुरबार, जळगाव, अहिल्यानगर – हलकासा पाऊस होण्याची शक्यता.

नाशिकचे तापमान: कमाल - 32°C, किमान - 21°C 

विदर्भ

अकोला, अमरावती, बुलढाणा, गडचिरोली, गोंदिया – विजा व वादळी वाऱ्यांसह पावसाची शक्यता; यलो अलर्ट.

नागपूर, भंडारा, चंद्रपूर, वर्धा, वाशिम, यवतमाळ – कोरडे वातावरण कायम.

नागपूरचे तापमान: कमाल - 32°C, किमान - 22°C