Ration Card: रेशन कार्ड बंद पडलंय? टेन्शन सोडा! आता घरबसल्या मोबाईलवर करा 'चुटकीसरशी' सुरू; जाणून घ्या सोपी प्रोसेस

Ration Card: तुमचे रेशन कार्ड निष्क्रिय झाले असल्यास, सरकारी कार्यालयात जाण्याची गरज नाही. केंद्र सरकारच्या 'UMANG' ॲपद्वारे तुम्ही घरबसल्या ई-केवायसी पूर्ण करून तुमचे बंद झालेले रेशन कार्ड सहजपणे पुन्हा सक्रिय करू शकता. 

रेशन कार्ड बंद पडलंय? टेन्शन सोडा! आता घरबसल्या मोबाईलवर करा 'चुटकीसरशी' सुरू

मुंबई: सध्याच्या जागतिक घडामोडी आणि इराण-अमेरिका संघर्षाचा परिणाम इंधन पुरवठ्यावर होण्याची शक्यता आहे. अशा काळात पेट्रोल आणि गॅसच्या तुटवड्याची चर्चा सुरू असतानाच, पुन्हा एकदा रेशन दुकानांवरील रॉकेल (केरोसिन) हा महत्त्वाचा पर्याय ठरू शकतो. मात्र, जर तुमचे रेशन कार्ड 'सस्पेंड' किंवा निष्क्रिय (Inactive) असेल, तर तुम्हाला या सुविधेपासून वंचित राहावे लागू शकते.

घाबरू नका! आता रेशन कार्ड पुन्हा सक्रिय करण्यासाठी सरकारी कार्यालयाचे उंबरठे झिजवण्याची गरज नाही. केंद्र सरकारच्या 'UMANG' ॲपच्या मदतीने तुम्ही हे काम घरबसल्या करू शकता. 

तुमचे रेशन कार्ड बंद का होते?

सामान्यतः खालील दोन कारणांमुळे रेशन कार्ड निष्क्रिय केले जाते.

ई-केवायसी (e-KYC) प्रलंबित असणे: आधार कार्ड रेशन कार्डशी लिंक नसणे.

दीर्घकाळ धान्य न उचलणे: सलग अनेक महिने रेशन दुकानातून धान्य न घेतल्यास कार्ड बंद होऊ शकते. 

'UMANG' ॲप ठरणार 'गेम चेंजर'

सरकारी सेवा डिजिटल करण्यासाठी केंद्र सरकारने UMANG (Unified Mobile Application for New-age Governance) हे प्रभावी माध्यम उपलब्ध करून दिले आहे. यात 'Mera Ration' आणि 'PDS' या सेवांचा वापर करून तुम्ही रेशन कार्डशी संबंधित सर्व कामे हाताळू शकता. 

बंद रेशन कार्ड पुन्हा सुरू करण्याची 'Step-by-Step' प्रक्रिया

स्टेप १: सर्वप्रथम गुगल प्ले स्टोअरवरून UMANG ॲप डाउनलोड करा.

स्टेप २: तुमच्या मोबाईल नंबरद्वारे नोंदणी करून MPIN सेट करा.

स्टेप ३: ॲपमधील सर्च बारमध्ये ‘Mera Ration’ किंवा ‘PDS’ टाईप करा.

स्टेप ४: तुमचे राज्य (उदा. महाराष्ट्र) निवडा आणि ‘View Ration Card Details’ वर क्लिक करा.

स्टेप ५: तुमचा रेशन कार्ड नंबर टाकून स्टेटस तपासा. जर कार्ड निष्क्रिय दिसत असेल, तर तिथेच ‘Update Member Details’ चा पर्याय निवडा.

ई-केवायसी (e-KYC) कशी पूर्ण करावी?

कार्ड पुन्हा सुरू करण्यासाठी ई-केवायसी सर्वात महत्त्वाची आहे.

संबंधित सदस्याचे नाव निवडून त्याचा आधार क्रमांक टाका.

तुमच्या आधारशी लिंक असलेल्या मोबाईलवर एक OTP येईल.

तो OTP प्रविष्ट करताच तुमची ई-केवायसी यशस्वी झाल्याचा मेसेज येईल. 

महत्त्वाची टीप

ई-केवायसीमुळे रेशन वितरणात पारदर्शकता येते आणि खऱ्या गरजूंपर्यंत सरकारी लाभ पोहोचण्यास मदत होते. त्यामुळे वेळीच आपले रेशन कार्ड अपडेट करून संभाव्य इंधन किंवा धान्य टंचाईपासून स्वतःला सुरक्षित करा.