Soft Paneer : पनीर रबरासारखं चिवट होतंय? स्वयंपाक करताना तुम्ही करताय 'ही' एक चूक!

How to Keep Paneer Soft: भाजी बनवल्यावर पनीर मऊ राहण्याऐवजी दगडासारखं कडक होतं का? याला फक्त पनीरचा दर्जा जबाबदार नसून, स्वयंपाक करताना आपण करत असलेली एक मोठी चूक कारणीभूत असू शकते.

पनीर रबरासारखं चिवट होतंय?

आपण पनीरची भाजी, ग्रेव्ही किंवा बटर पनीर असे अनेक पदार्थ बनवतो. पण बऱ्याचदा पनीर मऊ राहण्याऐवजी दगडासारखं कडक होतं. याला फक्त पनीरचा दर्जा जबाबदार नसून, आपण ते शिजवताना करत असलेली एक मोठी चूक कारणीभूत असते.

जास्त वेळ शिजवणे हेच मुख्य कारण..!

आपण पनीर जास्त वेळ उकळल्यास त्याचा मऊपणा कमी होतो. विशेषतः ग्रेव्हीमध्ये पनीरचे तुकडे सुरुवातीलाच टाकून जास्त वेळ उकळले, तर त्यातील ओलावा कमी होतो. यामुळे पनीर रबरासारखं चिवट आणि कडक होतं.

त्यामुळे ग्रेव्ही चांगली शिजल्यानंतर, अगदी शेवटी पनीरचे तुकडे त्यात टाका. पनीर टाकल्यानंतर ते जास्त वेळ उकळू नका. फक्त काही मिनिटे मंद आचेवर गरम करा.

आणखी एक सोपी ट्रिक!

जर पनीर आधीपासूनच कडक असेल, तर ते थेट ग्रेव्हीत टाकण्याऐवजी काही मिनिटे कोमट पाण्यात भिजत ठेवा. यामुळे पनीर पुन्हा बऱ्यापैकी मऊ होईल.

काही लोक पनीर आधी तेलात जास्त तळून घेतात आणि मग ग्रेव्हीत टाकतात. यामुळेही पनीर कडक होऊ शकतं. तुम्हाला पनीर तळायचंच असेल, तर ते जास्त वेळ किंवा मोठ्या आचेवर तळणं टाळा.

पनीर मऊ राहण्यासाठी काय करावे?

• पनीर जास्त वेळ उकळू नका.

• ग्रेव्ही पूर्ण तयार झाल्यावरच त्यात पनीर टाका.

• मोठ्या आचेवर पनीर जास्त वेळ शिजवणं टाळा.

• पनीर कडक वाटत असेल, तर ते कोमट पाण्यात भिजत ठेवा.

• पनीर जास्त तळून ग्रेव्हीत टाकण्याची चूक करू नका.

• तुम्ही वापरत असलेलं पनीर ताजं आहे का आणि ते योग्य प्रकारे साठवलंय का, याकडे लक्ष द्या.

पनीर कडक का होतं?

पनीर हा दुधापासून बनवला जाणारा पदार्थ आहे. जास्त उष्णता आणि जास्त वेळ शिजवल्यामुळे त्यातील प्रोटीनची रचना घट्ट होते. यामुळे त्याचा मऊपणा कमी होतो. म्हणूनच 'पनीर टाकल्यावर भाजी जास्त वेळ उकळली पाहिजे' असा कोणताही नियम नाही.

पुढच्या वेळी पनीरची ग्रेव्ही बनवताना, पनीर सुरुवातीलाच टाकून जास्त वेळ उकळू नका. ग्रेव्ही तयार झाल्यावर शेवटी पनीर टाकल्यास ते मऊ आणि लुसलुशीत राहील.