World Homoeopathy Day 2024: जागतिक होमिओपॅथी दिन का साजरा केला जातो? वाचा सविस्तर
१० एप्रिल रोजी जागतिक होमिओपॅथी दिन साजरा केला जातो. या दिवसाचा इतिहास आणि महत्त्व काय आहे ते जाणून घेऊया.
Ankita Kothare
होमिओपॅथीचे संस्थापक जनक डॉ. सॅम्युअल हॅनेमन म्हणून ओळखले जातात. त्यांची जयंती १० एप्रिल रोजी असते त्यामुळे या दिवशी दरवर्षी जागतिक होमिओपॅथी दिन साजरा केला जातो. आज जगभरात अनेक लोकांचा विश्वास होमिओपॅथी औषधांवर आहे . अनेक लोक विविध दीर्घकाळ चालणाऱ्या अथवा कोणत्याहीची चिकित्सेला होमिओपॅथी औषधांना प्राधान्य देतात. लोकांचा या औषधावर विश्वासही आहे कारण त्याचे दुष्परिणाम होण्याची शक्यता कमी आणि आजार बरे होण्याची शक्यता जास्त आहे. जागतिक होमिओपॅथी दिन 2024, उद्देश, थीम आणि महत्त्व याबद्दल जाणून घ्या.
होमिओपॅथीचा इतिहास :
होमिओपॅथी औषधे आणि शस्त्रक्रिया वापरत नाही. कारण यामध्ये प्रत्येक व्यक्तीचे शरीर वेगळेवेगळे आहे. तसेच त्याचे वैशिष्ट्ये देखील वेगळे आहेत आणि त्यानुसार वागले पाहिजे या विश्वासावर आधारित आहे. जर्मन चिकित्सक आणि रसायनशास्त्रज्ञ सॅम्युअल हॅनेमन (1755- 1843) यांनी व्यापक यश मिळवल्यानंतर होमिओपॅथी प्रथम १९व्या शतकात प्रसिद्ध झाली. परंतु त्याची उत्पत्ती इ.स.पूर्व ५ व्या शतकात झाली, जेव्हा 'औषधांचे जनक' हिप्पोक्रेट्सने त्याच्या औषधाच्या पेटीत होमिओपॅथिक उपचार सुरू केले. असे म्हटले जाते की हिप्पोक्रेट्सने, रोग समजून घेत असताना, त्याचा आपल्या शरीरावर कसा परिणाम होतो हे समजून घेतले आणि अशा प्रकारे होमिओपॅथीचा शोध लागला. त्यांनी स्पष्ट केले की प्रत्येक व्यक्तीची लक्षणे समजून घेणे आवश्यक आहे, ते रोगास कसा प्रतिसाद देत आहेत आणि रोगाचे निदान करण्यासाठी त्यांची उपचार शक्ती महत्वाची आहे.
जागतिक होमिओपॅथी दिन का साजरा केला जातो?
होमिओपॅथीबद्दल जागरुकता निर्माण करण्यासाठी हा दिवस साजरा केला जातो. होमिओपॅथी मोठ्या प्रमाणावर विकसित करण्यासाठी आवश्यक भविष्यातील धोरणे आणि त्यातील आव्हाने समजून घेणे देखील महत्त्वाचे आहे. होमिओपॅथीचा सरासरी व्यावसायिक यशाचा दर वाढवणे तसेच शिक्षणाच्या गुणवत्तेवरही भर देण्याची गरज असल्याने हा दिवस साजरा करणे महत्वाचे ठरते.
जागतिक होमिओपॅथी दिन 2024 ची थीम :
जागतिक होमिओपॅथी दिन 2024 साठी खास थीम निवडण्यात आली आहे. होमिओपॅथीच्या क्षेत्रात संशोधनावर भर देणे आणि कुशलता वाढवणे ही यावर्षीची थीम आहे. होमिओपॅथीचे सध्याचे संशोधन आणि ही उपचार पद्धती अधिक चांगली होण्यासाठीचा प्रयत्न यावर भर देणारी ही थीम आहे. आरोग्य सेवा सुधारण्यासाठी होमिओपॅथीचा वापर करण्यासाठी हे प्रयत्न केले जाणार आहेत.
आणखी वाचा :
पार्टनरसोबत मिळून मद्यपान करता? अभ्यासातून झालाय हा खुलासा
Skin Care Tips : उन्हात गेल्यानंतर चेहऱ्यावर लाल चट्टे येतात? करा हे घरगुती उपाय
Chaitra Navratri ला आजपासून सुरूवात, घटस्थापनेसाठी जाणून घ्या शुभ मुहूर्तासह पूजा विधी
)
)
)
)