उन्हाळ्यात दही खाल्यावर शरीराला काय फायदा होतो?

उन्हाळ्यात दही खाण्याचे अनेक फायदे आहेत. हे शरीराला थंडावा देते, पचनक्रिया सुधारते, रोगप्रतिकारक शक्ती वाढवते आणि हाडे मजबूत करते. तसेच, दही शरीरातील पाण्याची पातळी संतुलित ठेवण्यास मदत करते.

शरीराला नैसर्गिक थंडावा मिळतो

उन्हाळ्यातील उष्णतेमुळे शरीराचे तापमान वाढते, दही हे नैसर्गिक कूलिंग एजंट आहे. रोज एक वाटी दही खाल्ल्यास शरीराला गारवा मिळतो आणि ऊष्माघात (Heat Stroke) टाळता येतो.

पचनक्रियेस मदत होते

दह्यात असलेले प्रोबायोटिक्स (गुड बॅक्टेरिया) पचन सुधारतात. ऍसिडिटी, अपचन आणि पोटाच्या जळजळीच्या तक्रारी दूर होतात.

रोगप्रतिकारक शक्ती वाढते

दह्यातील चांगले जिवाणू (Lactobacillus) रोगप्रतिकारक शक्ती मजबूत करतात. उन्हाळ्यात होणाऱ्या संसर्गजन्य आजारांपासून बचाव होतो.

हाडे आणि दात मजबूत होतात

दही कॅल्शियम आणि फॉस्फरसने भरलेले असते, जे हाडांसाठी उपयुक्त असतात. नियमित दही खाल्ल्याने हाडे मजबूत राहतात आणि सांधेदुखी कमी होते.

पाणी कमी होण्याची (डिहायड्रेशन) समस्या टाळते

उन्हामुळे शरीरातील पाणी कमी होते, पण दहीमध्ये भरपूर प्रमाणात पाणी असते. ताक किंवा दह्याचा समावेश केल्याने शरीर हायड्रेट राहते.