Curry Leaves Vastu : मूठभर कढीपत्ता बदलेल तुमचं नशीब, वास्तुदोष दूर करण्याचे सोपे उपाय

कढीपत्ता फक्त फोडणीसाठी नाही, तर त्यात औषधी गुणधर्मही आहेत. केसगळतीवर तो रामबाण उपाय आहे. इतकंच नाही, तर वास्तुनुसार विशिष्ट दिवशी कढीपत्त्याचा वापर केल्यास घरात सुख, समृद्धी, आर्थिक भरभराट येते आणि दृष्ट लागण्यासारखे दोषही दूर होतात.

कढीपत्त्याची किमया

फोडणीत कढीपत्ता असला की जेवणाची चव वाढते. म्हणूनच त्याला फोडणीचं पानही म्हणतात. पण कढीपत्ता फक्त फोडणीपुरता मर्यादित नाही, तर ते एक दिव्य औषधही आहे. अनेक समस्यांवर तो रामबाण उपाय आहे, विशेषतः केसगळतीवर. या सर्वांपलीकडे, वास्तुदोष दूर करण्यासाठीही कढीपत्ता खूप प्रभावी मानला जातो.

घरात सुख-समृद्धी कायम

प्रत्येक शनिवारी घराच्या मुख्य दारावर कढीपत्त्याची ११ पानं ठेवा. असं केल्याने घरात सुख-समृद्धी कायम टिकून राहते, अशी मान्यता आहे.

कडीपत्त्याची पानं

बुधवारी कढीपत्त्याची काही पानं वाटून घ्या. ही पेस्ट घराबाहेर एखाद्या जड दगडाखाली ठेवा. यामुळे तुमची कोणतीही अडलेली कामं पुन्हा सुरू होतील आणि मार्गी लागतील.

सोमवारी करता येईल असा उपाय

प्रत्येक सोमवारी एका भांड्यात पाणी घेऊन त्यात कढीपत्त्याची ११ पानं टाका. सकाळी हे पाणी घराबाहेर फेकून द्या. असं केल्याने घरात आर्थिक भरभराट होते, असं मानलं जातं.

दृष्टीदोष घालवण्यासाठी कडीपत्त्याचा उपाय

शनिवारी मूठभर कढीपत्ता जाळून त्याची राख वाहत्या पाण्यात सोडा. यामुळे घरातील दृष्टदोष दूर होतो आणि घरात सकारात्मक ऊर्जा संचारते, अशी श्रद्धा आहे.