Vastu Tips: वास्तू टिप्स: चुकूनही घरात ठेवू नका ही ६ झाडं! कुटुंबात सुरू होईल भयंकर अशांती

वास्तुशास्त्रानुसार काही झाडं नकारात्मक ऊर्जा खेचून घेतात, ज्यामुळे घरात वादविवाद आणि प्रगतीत अडथळे येऊ शकतात.

घर सजवण्यासाठी आपण झाडं लावतो, पण वास्तुशास्त्र सांगतं— सगळीच झाडं शुभ नसतात. काही झाडं घरातील पॉझिटिव्ह एनर्जी शोषून घेतात आणि निगेटिव्ह एनर्जी वाढवतात. यामुळे पैशाचं नुकसान, कौटुंबिक वाद, आरोग्याच्या समस्या आणि कामात अडथळे येऊ शकतात. विशेषतः निवडुंग, बोन्साय, चिंच यांसारखी ६ झाडं चुकूनही घरामध्ये ठेवू नयेत.

१. निवडुंग (Cactus): दिसायला सुंदर असलं तरी निवडुंगावरचे काटे वास्तुशास्त्रानुसार अत्यंत अशुभ मानले जातात. काटे म्हणजे संघर्ष आणि मानसिक ताण. हे झाड घरात ठेवल्यास कुटुंबातील सदस्यांमध्ये भांडणं वाढतात, पैसे अडकतात. शास्त्रानुसार, निवडुंग दुःख आणि एकटेपणा आकर्षित करतं. जर ठेवायचंच असेल, तर घराबाहेर, गच्चीवर किंवा बाल्कनीच्या एका कोपऱ्यात ठेवा, बेडरूम किंवा ड्रॉईंग रूममध्ये कधीच नाही. गुलाबासारख्या फुलांच्या झाडांचे काटे याला अपवाद आहेत.

२. बोन्साय (Bonsai): बोन्साय दिसायला कितीही कलात्मक असलं, तरी वास्तूमध्ये ते थांबलेल्या वाढीचं प्रतीक मानलं जातं. एका मोठ्या झाडाला जबरदस्तीने लहान करून ठेवलं जातं. यामुळे घरातील प्रगती, व्यवसाय आणि मुलांच्या विकासात अडथळे येतात, असा विश्वास आहे. यामुळे आर्थिक वाढ खुंटते.

३. चिंचेचं झाड (Tamarind Tree): वास्तुशास्त्रानुसार चिंचेच्या झाडात नकारात्मक ऊर्जेचा वास असतो. जुन्या समजुतीनुसार चिंचेच्या झाडाची सावलीसुद्धा अशुभ मानली जाते. घराच्या आजूबाजूला किंवा अंगणात चिंचेचं झाड असल्यास घरातील लोकांचं आरोग्य बिघडतं आणि निगेटिव्ह एनर्जी वाढते. घरापासून खूप दूर असेल तर नुकसान होत नाही.

४. मेहंदी किंवा मोहोगनीचं झाड: मेहंदीच्या झाडातही नकारात्मक ऊर्जा खेचून घेण्याची ताकद असते असं मानलं जातं. हे झाड घराच्या आत किंवा मुख्य दरवाजासमोर ठेवल्यास कौटुंबिक नात्यात कटुता येते.

५. सुकलेली किंवा मेलेली झाडं: हा सर्वात मोठा वास्तू दोष आहे. घरात कोणतंही सुकलेलं, मेलेलं किंवा मरणासन्न झाड ठेवणं म्हणजे दुर्भाग्याला आमंत्रण देण्यासारखं आहे. यामुळे गरिबी आणि आजारपण येतं. कुंडीत एखादं झाड मेलं असेल तर ते लगेच काढून टाका.

६. कापूस किंवा सावरीचं झाड (Cotton / Silk Cotton Tree): कापसाच्या झाडावरून उडणारा कापूस वास्तुशास्त्रानुसार अशुभ आणि अस्थिरतेचं प्रतीक मानला जातो. यामुळे लक्ष्मी अस्थिर होते, परिणामी पैसे साठत नाहीत, पैसे हवेत उडून जातात. घरामध्ये हे झाड ठेवू नये.

मग कोणती झाडं ठेवावीत? वास्तूमध्ये तुळस, मनी प्लांट (ईशान्य कोपऱ्यात नाही, उत्तर दिशेला), कोरफड, जाई, कमळ, लिंबाचं झाड अत्यंत शुभ मानलं जातं. या झाडांमुळे पॉझिटिव्ह एनर्जी वाढते.