Mirror Decor Idea : महागडे LED आरसे विसरा! फक्त 100 रुपयांत जुन्या आरशाला द्या नवा, स्टायलिश लूक

Mirror Decor Idea : महागडे LED लाईटवाले आरसे घेणं बजेटमध्ये बसत नाहीये? चिंता नको! फक्त ५०-१०० रुपयांमध्ये जुन्या आरशाला एक नवीन आणि आकर्षक लूक कसा द्यायचा याच्या सोप्या आयडियाज. यामुळे बेडरूम, बाथरूम किंवा ड्रेसिंग एरिया एकदम स्टायलिश दिसेल.

Mirror Decor Idea : आजकाल बाजारात LED लाईटवाले भारी भारी आरसे मिळतात. वेगवेगळ्या शेप्सचे, एकदम लक्झरी दिसणारे. ते घराची सुंदरता तर वाढवतातच, पण एक खास एस्थेटिक लूकही देतात. पण हे आरसे विकत घेणं प्रत्येकाच्या बजेटमध्ये असेलच असं नाही. १०,००० रुपये फक्त आरशावर खर्च करणं प्रत्येकाला जमत नाही. म्हणूनच, जर तुम्हालाही कमी बजेटमध्ये घराला स्टायलिश लूक द्यायचा असेल, तर हा लेख तुमच्यासाठीच आहे. इथे आम्ही ५०-१०० रुपयांत जुना आरसा कसा सजवायचा याच्या काही भन्नाट आयडियाज सांगणार आहोत.

मिरर डेकोरेशन आयडियाज

तुमच्या बेडरूम किंवा बाथरूममध्ये गोल आरसा असेल, तर त्याला सजवण्यासाठी जास्त मेहनत लागणार नाही. समुद्रावर मिळणाऱ्या शिंपल्या किंवा लहान गुळगुळीत दगड गोळा करा आणि ग्लू गनच्या मदतीने ते आरशाच्या कडेने चिकटवा. आरसा पूर्ण भरलेला दिसेपर्यंत हे करत रहा. अजून छान लूकसाठी तुम्ही जवळ छोटी रोपटी (इनडोअर प्लांट्स) ठेवू शकता. शेवटी, LED स्ट्रिप लाईट लावली की लूक एकदम पूर्ण होईल.

जूटच्या दोरीने DIY मिरर

चौकोनी आरशासाठी ज्यूटच्या दोरीची आयडिया एकदम परफेक्ट आहे. आरशाच्या चारही बाजूंना दोरीने एक बेस तयार करा. त्याला सजवण्यासाठी तुम्ही लहान मणी, खडे किंवा दगड वापरू शकता. कडेने रंगीबेरंगी कृत्रिम फुलं आणि लाईट्स लावा. बस्स! तुमचा नवा डेकोरेटेड आरसा तयार. हा आरसा तुम्ही बेडरूम, हॉल किंवा बाथरूममध्येही लावू शकता.

हे पण वाचा-  Arabic Mehndi Design: वट पूजेसाठी सोप्या अरेबिक मेहंदी डिझाईन्स, पाहा सुंदर पॅटर्न

फ्लोरल फेअरी लाईट मिरर

ड्रेसिंग टेबल किंवा मोठ्या आरशाला सजवण्यासाठी ही क्राफ्ट आयडिया मस्त आहे. आरशाच्या कडेने गुलाबी रंगाच्या कृत्रिम फुलांची वेल आणि पिवळ्या रंगाची लाईट (वॉर्म लाईट) लावा. यामुळे खोलीला केवळ सुंदर लूकच नाही, तर एक परफेक्ट सेल्फी कॉर्नरही तयार होईल.

प्लेइंग कार्ड्स मिरर फ्रेम

बाथरूम किंवा ड्रेसिंग एरियामधल्या साध्या आरशाला एकदम कूल आणि हटके लूक द्यायचा असेल, तर 'प्लेइंग कार्ड्स'ची आयडिया भारी आहे. यासाठी फक्त ग्लू गन आणि पत्त्यांचा एक कॅट लागेल. पत्ते एकमेकांवर येतील अशा पद्धतीने (ओव्हरलॅपिंग) आरशाच्या कडेने चिकटवा. ही सगळ्यात स्वस्त आणि युनिक डेकोरेशन आयडिया आहे. घरी येणाऱ्या पाहुण्यांचं लक्ष लगेच या आरशाकडे जाईल आणि विशेष म्हणजे यासाठी जास्त पैसेही खर्च होणार नाहीत.

बोहो चिक होल्डर मिरर

एकदम स्वच्छ आणि सुंदर लूकसाठी बोहो स्टाईल डेकोरेशन उत्तम आहे. यासाठी आरशाच्या कडेने ज्यूट, रंगीबेरंगी पॉम-पॉम आणि कृत्रिम फुलांचा वापर करा. खालील बाजूस हुक लावून तुम्ही याला 'की होल्डर' म्हणूनही वापरू शकता. घराच्या प्रवेशद्वारावर किंवा हॉलमध्ये चाव्यांसारख्या वस्तू अडकवण्यासाठी हा एक उत्तम पर्याय आहे.